எந்தன் வீட்டு தோட்டதிலே

பட்டு இதழ் ரோசா

மொட்டு அவிழ்ந்து சிரிக்குது

பார்த்து மகிழ கண்களுக்கு

மோகனாய் இருக்குது

கட்டவிழ்ந்து மனசு

களிநடனம் புரியுது

சுத்தி சுத்தி வண்டு வந்து

எட்டி எட்டி பார்குது

 

வட்ட நிலா வானில் வந்து

ரசித்து விட்டு போகுது

விட்டு விட்டு தென்றலும்

வந்து வீசி வாசம் அள்ளி போகுது

தூரலோடு சாரல் வந்து

மெல்ல சிலிர்த்து நிக்குது

இயற்கையோடு மனசும்

 கலந்தே பேசுது

இத்தனையும் எந்தன் வீட்டு

தோட்டதிலே நித்தமும் நடக்குது

கவி மீனா