வாங்கி வந்த வரம்

குப்பைகளை கூட்டி எறியதான் வேணும்

வேண்டாத உறவுகளை தூக்கி வீசதான் வேணும்

இலைகளும் கருகி விழுவது போலே

உறவுகளும் குறுகி பிரியதானே செய்யுது

காலங்கள் மாறுவது போலேதான்

மனித மனங்களும் காலத்துக்கு ஏற்றாற் போல் மாறுது

தன்னைதானே உணராதவன் மனிதனே இல்லை

தலைக்கனம் பிடித்தவனையும் போதைக்கு அடிமையானவனையும்

கடைசிவரை திருத்தவே முடியாது

திருத்த போனால் கழுதைக்கு கிட்ட போய்

உதை வாங்கின கதைதான்

அவனவன் தலைவிதியை அவனே தேடுகிறான்

போதைக்கு அடிமையானவன் கடைசி வரைக்கும்

மீளமுடியாது  உளருகிறான்

போத்தில் மாறினாலும் போதை மாறுவதில்லை

போதை வஸ்த்து புத்தியை கெடுக்குது

வார்தைகளை உளற வைக்குது

உலகமே இருட்டில்  பகலும் இரவும் ஒன்றாகி

படுக்கையிலே கிடக்க வைக்குது

சுற்றமும் உறவும்  கூட இருப்பவரையும்

அவனுக்கு புரிவதே இல்லை

மதிப்பும் மரியாதையும் நடக்கிற முறையில்தான்

அவனவனுக்கு கிடைக்கும்

வார்தைகள் சரியில்லாட்டி நட்புகளும் உறவுகளும் நிலைபதில்லை

வாழ்க்கையும் நின்மதியாய் அமைவதில்லை

இதைதான் சொல்வார்கள் வாங்கி வந்த வரம் என்று

கவி மீனா

 

எந்தன் வீட்டு தோட்டதிலே

பட்டு இதழ் ரோசா

மொட்டு அவிழ்ந்து சிரிக்குது

பார்த்து மகிழ கண்களுக்கு

மோகனாய் இருக்குது

கட்டவிழ்ந்து மனசு

களிநடனம் புரியுது

சுத்தி சுத்தி வண்டு வந்து

எட்டி எட்டி பார்குது

 

வட்ட நிலா வானில் வந்து

ரசித்து விட்டு போகுது

விட்டு விட்டு தென்றலும்

வந்து வீசி வாசம் அள்ளி போகுது

தூரலோடு சாரல் வந்து

மெல்ல சிலிர்த்து நிக்குது

இயற்கையோடு மனசும்

 கலந்தே பேசுது

இத்தனையும் எந்தன் வீட்டு

தோட்டதிலே நித்தமும் நடக்குது

கவி மீனா

 நாட்டு நடப்பு -7 

நானும் புலம்பெயர்ந்த நாள் முதல் சுற்றும் முற்றும் நடப்பது பற்றி புலம்பிக்கொண்டே இருக்கிறன்

நீங்கள் என்ன சொல்லபோறீங்கள் எண்டு எனக்கு தெரியும் பாருங்க! இவ  என்னமோ வெட்டி முறிக்கிறாபோலே

வெட்டியா எழுதி தள்ளுறா என்று முணுமுணப்போர் சிலர் உண்டு,  எழுதுறது என்றால் சும்மாவா? கையாலே பேனை பிடித்து எழுதாட்டியும், கீபோட்டிலை தட்டி தட்டி  எழுதினாலும் விரலும் நோவும், சிந்திச்சு சிந்திச்சு மூளையும் களைத்து போகும்  என்னமோ எழுதினால் மனசு கொஞ்சம் பிரியாகுதுங்க! அவ்வளவேதான்.

மகா பாரதத்திலை பாண்டவருக்கு ஒரு வருடம்தான் ஐஞ்ஞாத வாஸசம் நமக்கு ஐஞ்ஞாத வாஸ்சம் தொடர்ந்து கொண்டே போகுது வாழும் வரை துன்பங்களுக்கு முடிவு இல்லை என்றாலும் உலக வாழ்க்கைக்கு ஒரு முடிவு வந்துடுமுங்க, காரணம் என்னதான் நாம் கொரோனாவுக்கும் யுத்ததுக்கும் பயந்து ஒழிந்து வாழ்ந்தாலும் ஒருநாள் இன்றோ இல்லை நாளையோ காலனின் கைக்கும் கண்ணுக்கும் நாம் எட்டி விடுவோமே! ஏனெனில் காலனுக்கு கையும் நீளம் கண் பார்வையும் நல்ல கெட்டியுங்க!

இப்ப நாலாவது ஊசியும் போட வர சொல்லிடாங்க உயிர் தப்பி வாழ ஆசைபடாவிடிலும் நோயின் கொடுமையை அனுபிக்க பயந்துதான் ஊசியெல்லாம் போட வேணடியிருக்கு எனி கொரோனா எந்த பேரிலை குட்டி போட போகுதோ அதுவும் தெரியாது.

இப்ப கொஞ்ச நாளா இணையத்தில் சாஸ்திரிகள் துலாம் ராசிக்கு  சனி குரு அதிசார பெயர்ச்சி அதிஸ்டம் உச்சத்திலை என்று புழுகி தள்ளுறாங்க அதிஸ்டம் பற்றி தெரியலை கொரோனோ உச்த்துக்கு போட்டுது இப்ப யுத்தமும் உச்சத்திலே இதுதாங்க உண்மை!

அங்கை ஒருத்தர்  யாரை பற்றி கதைச்சாலும் அவர் என்ன நம்பர் எண்டு கேட்டு போட்டு உதுகள் உருபடாதுகள் அவைக்கு நம்பர் சரியில்லை என்று சொல்லி போடுவார் ஆனால் 7 நம்பர் மட்டும் லக்கி 7 என்று புழுகி தள்ளுவார் காரணம் அவரது பிள்ளை 7 என்பதால் எத்தனை 7 நம்பர் ஆழுகி புழுத்து சாவுறாங்க?

ஒரு ஆம்பிளை 7 நம்பர் 7 தடவை கட்டியும் கடைசியிலே வீடுழந்து பிள்ளை குட்டிகளை இழந்து அனாதையாகதான் செத்தாரு இன்னும்  ஒருத்தர் அப்படிதான் கடைசியிலை கிடந்து அழுந்துறாரு

7 இலை பிறந்த பெண் ஒருத்தி அடி சூடுவாங்கிக்கொண்டு கைகட்டி வாய் பொத்தி புருஸனுக்கு அடிமையா கிடக்குது, புருஸன்காரன் வீட்டிலை நிண்டா அவவுக்கு யாரோடும் ரெலிபோனில் பேச கூட விடமாட்டான் என்றால் பாருங்களேன்  இன்னுமொரு பிள்ளை 3 வாட்டி கட்டியும் வாளாவெட்டியாகிதான் நிக்குது இதிலை 7தான் நல்ல லக்கி நம்பர் என்று சொல்லுகிறவர்களை என்ன சொல்ல?

நம்பரிலை என்ன இருக்கு? எல்லாம் அவனவன் கர்ம வினைக்கு ஏற்றா போலேதான் வாழ்க்கை அமையுது

முன்னை செய்ததை சாக முன்னரும் அது தப்பினால் அடுத்த பிறப்பிலும் தண்டனைகள் தொடரும் இதுதானே இந்து மதம் சொல்கிறது குறிப்பா கருட புராணம் சொல்லுதுங்க!

இன்னும் விஸயங்கள் இருந்தால் அடுத்த முறை சொல்லுறேனுங்க

 

கூடி வாழ்ந்து

சாதகத்தில் கிரகங்கள் உச்சம்என்றால்

அவன் வாழ்வை உலகம் மெச்சும் என்பர்

ஆனால் இன்று கொரோனாதான் உச்சத்திலே

விலை வாசியும்  உச்சத்திலே

யுத்தமும் பக்கத்திலே

மனித மனங்களோ அச்சத்திலே

பலர் வாழ்வோ வெறும் எச்த்திலே

 

மிச்சம் மீதி தின்பதற்க்கு இங்கு

ஏழைகள் யாருமில்லை

பணத்தின் மேலே குந்தினாலும்

மகிழ்ச்சியின்றி கடவுளிடம் பிச்சை கேட்கும்

ஏழைகள்தான் அதிகம் மடா

 

பட்சம் என்று பக்கம் வருவோர்

 பாதி வழியில் போய் விடுவர்

மிச்சமான வாழ்வும் இழுபறியாய்

போய் முடியும்

பிச்சு பிச்சு புடுங்குதற்கு

கூடவரும் உறவகளுண்டு

கூடி வாழ்ந்து கோடி இன்பம் பெற

உண்மையாக யாரும் இல்லை

கவி மீனா

 

இதுக்கு பேரு காதலா?

லையிட்ரா ஒரு காதல் மனசுக்குள் வரும்

அது பின் வெயிற்றா வந்து வாழ்க்கையில்  விழும்

பார்த்து பார்த்து கண்கள் பரவசமுறும்

பார்காத போது நெஞ்சு வெடித்தே அழும்

காலபோக்கில் பின் கல்யாணமும் வரும்

அதுக்கு பிறகு காதல்  பறந்தே போகும்

கண்கள் பேசும் வரை வளர்ந்த காதல்

வாய் பேச தொடங்கியதும் சண்டையில் முடியும்

கை தொட துடித்த காதல் மெய் தொட்ட பின்னே

பொய்யாகி போகும்

இதுக்கு பேரு காதலா?

கவி மீனா

 

புட்டு 

அரிசியும் தேங்காயும் உள்ள ஆசியா நாடுகளில் புட்டு அவிக்கிறார்கள்

ஆனால் யாழ்பாணத்து தமிழர்கள்தான் அரிசியை மாவாக்கி வறுத்த மாவில்

தேங்காய்

பூ கலந்து புட்டு அவிக்கிறார்கள்

அதை விட பால்புட்டு சக்கரைபுட்டு புட்டுபிரியாணி என ஒரே அசத்தல்!

கேரளா மக்கள் மா புட்டு அவித்த பின் தேங்காய் பால் விட்டு

அல்லது கடலை கறியோடு  சாப்பிடுறார்கள்

பிலிபைன் மக்கள் கூடுதலாக களிபச்சை அரிசியை வறுக்காமல்

உருண்டை பிடித்து அவிக்கிறார்களோ? தெரியலை

எதுவானாலும் நம்ம ஊரு புட்டு சுவையோ சுவைதான்!

அம்மா முங்கில் குழலில் அவித்த அரிசிமா குழல் புட்டு சும்மாவே அள்ளி அள்ளி சாப்பிடலாம் காரணம் உடன் இடித்து வறுத்த அரிசி மாவுக்கு ஒரு தனி சுவை

அதை விட வளவிலை இருக்கிற தென்ன மரத்து தேங்காய்களை உடனே துருவி போட்டால் அதன் வாசமும் சுவையும் தனி ரகம்

எனக்கு பிடித்த உணவு குழல் புட்டுதான் சில சமயம் நானும் இங்கு புட்டு அவிபதுண்டு ஆனால் ஊரிலை அம்மா செய்த புட்டின் சுவை வராது காரணம் இங்கு உடன் தேங்காய் பூவும் இல்லை கைகுத்தரிசி மாவும் கிடைபதில்லை அத்துடன் முங்கில் குழலும் இல்லை அலுமீனயம் குழலில் அவிக்கிற புட்டு அதிக சுவையை தராது

ஏதோ அவலை நினைத்து உரலை இடித்த கதையாக நாம இங்கு சமைக்கிறம் ஆனாலும் பிள்ளைகளோ விருந்தினரோ எனது சமையல் நல்லாக சுவையாக இருக்குது என்று சொல்வார்கள் காரணம்  ஊரிலை வாழ்ந்த காலத்தே எங்க வீட்டு புட்டின் சுவை அவர்களுக்கு தெரியாது பாருங்க!

கவி மீனா