பரதேசி

பழத்தை தேடி பறவைகள்

மரம் விட்டு மரம் பறக்குது

இரையை தேடி விலங்குகள்

யாவும் பாய்ந்து திரியுது

இன்று சோற்றை தேடி மனிதனும்

அலைந்து அலைந்து பரதேசியாகி விட்டான்

பணம் இருந்தாலும் புசிக்க

உணவு இல்லாட்டி

பணத்தை சாப்பிட முடியாது

 

தங்கம் விலை ஏறிட்டு என

தலையில் கை வைப்போர் ஒரு புறம்

எண்ணெய் இல்லாமல்

பொரியல் இல்லாமல்

புலம்புவோர் மறு புறம்

காலிருந்தும் நடக்க மறந்த

பலருக்கு இன்று

பெற்றோல் இல்லாமல் அந்தரம்

 

கொரோனா படுத்துது ஒரு புறம்

பஞ்சம் பசி பட்டினி வருகுது மறுபுறம்

இரண்டு பேரு சண்டையிலே

பார்தவர் மண்டை உடைவது போலே

இரண்டு நாடுகள் போடுற  யுத்தத்திலே

உலகமெங்கும் கூச்சலும் கூப்பாடும்

உலகம் போற போக்கை பாரு

எங்கு பார்த்தாலும் அவலம்

அவணிக்கு ஏன் வந்தது இந்த கோலம்

ஏன் வந்தது இந்த கோலம்?

கவி மீனா