அன்பே சிவம்

அன்புக்கோர் எல்லை இல்லை

அது கடல் கடந்தும் போகும்

கரை புரண்டும் ஓடும்

கணணி வழி ஓடி காதோரம் பாடும்

கைகோர்த்து கூட நம் பக்கத்திலும் நிக்கும்

தொலை பேசி மூலம் காதல் கதை பேசும்

கடிதங்கள்  ஊடாக பல வடிவங்களை ஆக்கும்

கண் மூடும் போதும் கனவாக தொடரும்

அன்பு இல்லாத இதயம் பாலை வனமாகி போகும்

அன்பு கொண்ட இதயம் பூம்பொழிலாகி திகழும்

கண்ணுக்கு தெரியாமலே அது பல உள்ளங்களை தொடும்

அன்பு நிறைந்த உள்ளங்கள் ஆனந்தத்தில் ஆடும்

அன்பு இல்லா இல்லங்கள் துன்பத்தில் வாடும்

பணம் வந்து உலகத்தை ஆழுகின்ற போதும்

இந்த அன்பு ஒன்றே மனித மனங்களை ஆழும்

அன்பே சிவம் அன்பே சிவம்

கவி மீனா