உலகம் போற போக்கை பாரு 

சினிமாக்கள் சிறிசுகளை கெடுக்குது

சின்னதிரை குடும்பங்களில்

வில்லிகளை உருவாக்குது

ஆடை குறைப்பு செய்வதாலே

சினிமா உழைக்குது

அழுது அழுது பார்பதாலே

சின்ன திரை பிழைக்குது

 

ஒருவனுக்கு ஒருத்தி என்று சொன்னது அந்த காலம்

இன்று ஒன்று போனால் மற்றொன்று பிடிபது

தான் புதிய காலம்

அச்சம் மடம் நாணம் பயிர்பு எல்லாம் என்னவாச்சு

அது என்ன என்று கேட்காமலே காணாமல் போச்சு

கற்பா  மானமா அதுவும்  இல்லமலே போச்சு

 

பெண் பிறந்தால் தொல்லை

என்று எண்ணியது ஊரிலே

சீதனம் இல்லாமல் முதுகுமர் குந்தியது நாட்டிலே

இங்கு எத்தனை பெண் பிறந்தாலும்

கல்யாணமாகுது  விரைவிலே

ஒரு முறையா இருமுறையா

மறுமணமும் நடக்குதே  புலம் பெயர் வாழ்விலே

 

அன்று பெற்றவர் பட்டது சோதனை

இன்று அவர்கள் செய்வதே பெரிய சாதனை

வீடு வாசல் நகை நட்டும் தேவையில்லை

வீடு வீடாய் பெண்தேடி செருப்பும் தேய்வதில்லை

பேஸ்புக்கும் இன்ரநெற்றும் காட்டுது

காதலுக்கு சோடி சேர வழியை

கல்யாணத்தை நடத்தி விட்டால்

பெற்றவருக்கு கடமை முடியுது பாரும்

கவி மீனா

 

 

கூடாது கூடாது

அறிவுக்கு மேலே பேச கூடாது

அதிகமாக ஆட்டம் போட கூடாது

எல்லாம் தெரிந்தது போலே நடக்கு கூடாது

பசிக்கு மேலே உண்ண கூடாது

பகிர்ந்து உண்ணாமல் இருக்க கூடாது

வரவுக்கு மேலே செலவு கூடாது

வந்ததை எண்ணி வருந்த கூடாது

 

போனதை எண்ணி அழக்கூடாது

பொறுமை இன்றி வாழ கூடாது

அதிகம் ஆசை வைக்க கூடாது

அதுவும் களவு காமம் இருக்க கூடாது

பொய்யே பேச கூடாது

அடுத்தவருக்கு துரோகம் செய்ய கூடாது

 

அன்பு காட்ட மறக்க கூடாது

அணைத்து வாழ மறுக்க கூடாது

உதவும் கரங்களை வெறுக்க கூடாது

நன்றி மறந்து போக கூடாது

நயவஞ்சகமாய் வாழ கூடாது

நாவால் துன்பம் செய்ய கூடாது

அடுத்தவர் மனசை நோக பண்ண கூடாது

 

கவர்ச்சி காட்டி உடுக்க கூடாது

அடுத்தவன் பொருளுக்கு ஆசை கூடாது

மாற்றான் துணையை பறிக்க கூடாது

அடுத்தவன் வயிற்றில் அடிக்க கூடாது

எத்தனை இருந்தாலும் இறுமாப்பு கூடாது

எதுவும் கடைசியில் கூட வரும் எண்று எண்ண கூடாது

இறைவன் இருபதை நம்பாமல் விட  கூடாது

எங்கடை கர்மா எங்களை குருமாவாக்கும்

என்பதையும்  மறக்க கூடாது

கவி மீனா

 

 

 

ஆண்டவன் இருப்பதை

பிறந்தாய் வளர்ந்தாய்

பெத்தாயின் மடியில் தவழ்ந்தாய்

நடை பயின்று ஓடி ஓடி திரிந்தாய்

யார் சொல்லும் கேட்காது

அடங்கா பிடாரியாய் ஆனாய்

ஆணவம் கொண்டே அலைந்தாய்

ஒரு பேதை பெண்ணை கண்டாய்

சித்தம் தடுமாறினாய்

அவளை சிக்க வைக்க

பல திட்டங்கள் தீட்டினாய்

நல்லவன் போலே நடித்தாய்

நயவஞ்சகமாய்  அவளை பிடித்தாய்

தாலி கட்டி முடிந்த பின்னே

அதிகாரம் காட்டினாய் அவளை

அடிமை போலே ஆக்கினாய்

இன்னும்  பல அடிமைகளை தேடினாய்

அவர்களுக்கும்  நீயே

கோமான் என நினைத்தாய்

 

ஆணவத்தில் ஆடினாய்

அகங்காரம் கொண்டே அவதியுற்றாய்

உன் குறை தெரியாமல் கூத்தடித்தாய்

 விட்டிலே  சட்டி முட்ட வாசமிகு கறியருந்தாலும்

அடுத்தவன் சட்டியை எட்டி பார்த்தாய்

கண்ணுக்கு அழகாக மனைவி இருந்தும்

அடுத்தவன் பெண்டாட்டிகளோடு

பொழுதை போக்கினாய்

குடித்தாயய் வெறித்தாய்

கொடுரமாக பேசினாய்

 வானத்தில் பறக்கும் காற்றாடி போலே

 குத்துக்கரணமும் அடித்தாய்

ஆண்டவன் இருப்பதை மறந்தாய்

அதனால் நுலறுந்த பட்டமாய் துலைந்தாய்

அடைகலம் புகுந்த பெண்ணை

அவணியிலே அவதியுற வைத்தாய்

இன்று வயோதிப மடமே

அடைகலமாய் கொண்டாய்

ஆண்டவன் தீர்பு இதுவே

கவி மீனா

 

 

 டை

வடை சுட்ட ஆச்சிக்கு வடை போச்சுது

கடை போட்ட மனிதனுக்கு கடனாய் போச்சுது

அடை சுட்ட அம்மாக்கு பல்லு போச்சுது

படையோடு மக்கள் அன்று போருக்கு போனது

இன்று பலர் வெட்டி பந்தா பேசி

வெட்டியாய் நடை போட்டு திரியுதுகள் பாரு

 

இரட்டை சடை போட்ட பெண்ணும்

இடை காட்டி சேலை கட்டுது

இல்லை தொடை காட்டி குட்டை சட்டை போடுது

கறி விருந்து படையலை கண்டு

மடை திறந்த வெள்ளம் போலே

மனசும் பொங்குது

 

இன்று டை இல்லா தலையும் இல்லை

முடை இல்லா வாழ்வும் இல்லை

விடை தெரியா பரீட்சை போலே

ஓடுது வாழ்க்iகை

அடை மழையில் அகபட்டு

குடை இன்றி அவதியுறும்  வேளை

பொடிநடை போட்டு போக முடியுமா சொல்லு

கவி மீனா

 

வாழதான் முடியவில்லை

தட்டு நிறைய சோறு இல்லை

பெட்டி நிறைய மருந்திருக்கு

வட்ட நிலா வானில் இல்லை

வாழ்கையிலும் வெளிச்சம் இல்லை

எட்டு எட்டாய் பிரித்தாலும்

இன்பம் மட்டும் எட்டவில்லை

 

விட்டு விட்டு போகும் உறவுகள்

கை விட்டாலும் விடுகுதில்லை

பட்டு பட்டு தெளிந்தாலும்

பாதையிலே தெளிவு இல்லை

சொல்லி சொல்லி அழுதாலும்

துன்பத்துக்கும் முடிவு இல்லை

 

மனித வாழ்கை துன்பம் என்று

முன்னோர் சொல்லியும் புரியவில்லை

வாழ்ந்து பார்த்தால் என்ன என்று

வந்து விட்டேன் வாழதான் முடியவில்லை

இவ்வுலகில் வாழதான் முடியவில்லை

கவி மீனா

 நாவிலே தேனை பூசி

கை தூக்கி விடுபவன் நண்பன்

காலை வாரி விடுபவன் துரோகி

அணைத்து வாழ்பவன் உறவு

தூற்றி செல்பவன் எதிரி

இத்தனை பேரும் நம்மை சுற்றி

பழகி பார்த்தால்தான் புரிந்து விடும்

நிலையற்ற மானிட வாழ்வினிலே

நிலைத்து நிற்பவர் எவரும் இல்லை

காசும் காமமும் தேவை என்று

உலக வாழ்கை ஓடுதடா

ஆளை ஆளு ஏமாற்றி வாழ்வது சுலபமடா

ஏமாந்து நிற்பது பாவமடா

பாசம் அன்பு என்பதெல்லாம்

நாவிலே தேனை பூசி

பின் நயவஞ்சகமாய் முதுகிலை

குத்தும் வேலையடா

 

வந்தோம்  போனோம் என்றிருந்தால்

வலிகள் இல்லாமல் வாழ்ந்திருப்போம்

வலிய வலிய தேடி பழகி

மனசில் சுமைகளை கூட்டாமல்

குப்பை என்றால் கூட்டி தள்ளி

வீட்டையும் மனசையும்

 சுத்தமாக வைத்திடுவோம்

லேசான மனசுக்கு வலியும் இல்லை

இல்லாத உறவுக்காய் கவலை இல்லை

இப்படி வாழ பழகி விட்டால்

துன்பங்கள் தரும் நட்புகள் உறவுகள் கூட

தூசியை தட்டி விடுவது போலே

ஒட்டாமல் பறந்து போய் விடும்

மனசுக்கும் அமைதி கிட்டிவிடும்

கவி மீனா

 

சட்டி பிரட்டி

இது என்ன தலைப்பு என சிரிக்காதீர்கள் வாசித்து பார்த்து உண்மையை புரிந்து கொள்வதே சறப்பு

இவங்க ஊரிலை சட்டி பிரட்டி திண்டவங்கள் இங்கை வந்து பெரிய ஆள் மாதிரி கதை விடுகினம் எனடு சொல்பவர்கள் உண்டு என் காது படவே ஒருத்தர்  இப்படி சொன்னதை கேட்டும்  இருக்கன்

ஆனால் சட்டி பிரட்டி சாப்பிட்டவன்தான் ஊரிலை சுகமாக நீண்ட காலம் வாழ்ந்து இருக்கிறான் காரணம் என்ன தெரியுமா?

 நாம சமைக்கும் போது வெந்தய குழம்பு, பொரித்த வத்தல் குளம்புகளை வைக்கும் போது  வதக்க போடுகிற வெந்தயம் பெரும் சீருகம் கடுகு எல்லாம் குழம்பு சட்டியிலை அடியிலைதான் இருக்கும் மேலால குழம்பை எடுத்து சாப்பிட்டு விட்டு ஏப்பம் விட்டு போறது பெரிய விடயமே இல்லை

கடைசியலை அந்த சட்டிக்குள்ள இருக்கிற குழபுக்குள்ளே சோற்றை போட்டு பிரட்டி எடுக்கும் போதுததான் அந்த வெந்தயம் சீகம் கடுகு எல்லாம் சோற்றுடன் சேர்ந்து வருகிறது பாருங்க , அந்த சோற்றை வெந்தயத்தோடும் சீரகம் கடுகும் சோத்து சாப்பிட்டவனுக்குதான் ஆரோக்கியம் அதிகமாகிறது, பிரட்டின சட்டி சோற்றை சாப்பிட்ட நாய் கூட நோயின்றி வாழ்ந்ததுதாள் உண்மை!

 அவனுக்கு சுகர் வருத்தம் இருந்தாலும் குறைகிறது  சீரகம் பெரும் சீரகம் கடுகை சேர்த் சாப்பிட்டால் சீரண சக்தி அதிகரிக்கிறது வாய்வு தொல்லை இல்லாடமல் நின்மதியாக உறங்க முடிகிறது, இது தெரியாமல் மேலே உள்ள குழம்பை ஊற்றி முதல் சாப்பாடு சாப்பிட்தை பெருமையாக பேசுபவர்கள்

அறியாமையில்தான் பெருமிதம் கொள்கிறார்கள் உண்மையில் அடியில் உள்ள கறியும் அதை பிரட்டி எடுத்து சாப்பிடவனும்தான் அந்த வெந்தயம் சீரகம் கடுகு கறிக்கு போட்டதன் பலனையே அடைகிறார்கள் இதுதாங்க உண்மை

எமது உடல் நலனுக்காகவும் சுவைக்காகவும் சமைக்கும் போது கறிக்கு போடுகிற  வெந்தயம் பெரும் சீரகம் கடுகு கருவேப்பிலைகளை எறியாமல் சேர்த்து சாப்பிட்டு உடல் நலத்தை பேணுவதே மேல்

சில பேரு இவைகளை கறிக்குள் போடுவதே இல்லை, காரணம் காசு மிச்சம் பிடிக்க இல்லை இந்த பொருட்களை வாங்காமல் விட்டதாக இருக்கலாம்

ஆனால் நாம் சமைக்கும் போது பாவிக்கும் ஒவ்வொரு மூலிகைகளுக்கும் ஒவ்வொரு மருத்துவ குணம் உண்டு இதை உணர்ந்து சமைத்தவர்கள் அந்த நாளையிலே நோய்கள் இன்றி நீண்ட காலம் வாழ்ந்திருந்ததும் உண்மை!

கவி மீனா