கலப்படம் 

எங்கே பார்த்தாலும் எதிலும் கலப்படம்  கலப்படம் இல்லாத சுத்தமான பொருட்கள் எதுவுமே இல்லை என்றாகி விட்டது உலகிலே, பாலுக்கு நீரை விட்டு கலக்குறாங்கள் அரிசியிலை கல்லை கலக்குறாங்கள்  மாடுகளுக்கு குடுக்கிற தவிட்டிலை கூட உமியை கலக்குறாங்கள்  அதுவும் வெளிநாட்டுக்கு ஏற்றுமதியாகிற அனைத்து பொருட்களும் இப்ப கலப்பட பொருளாகவே வருகிறது

சுத்தமான மிளகாய் தூளும் இல்லை சுத்தமான அரிசிமா சவ்வரிசு கூட இல்லை எல்லா உணவு பொருட்களுக்குள்ளும் ஏதோ கலந்து சுவை குறைந்து மணம் குறைந்து தரமில்லாத  பொருட்களாக ஆரோக்கியமற்ற உணவு பொருட்களாகதான் எல்லாம் காணப்படுகிறது இருந்தும் நாமும் தேடி தேடி அலைந்து அவைகளையே வாங்குகிறோம் காரணம் நம்ம நாட்டு உணவுகளை சமைத்து சாப்பிட வேணும் என்ற பேராவலில் பாருங்க!

கலப்படம் இல்லாத தங்கமும் இல்லை கலப்படமில்லாத தமிழனும் இப்ப இல்லை பாருங்க! புலம் பெயர்ந்து  திக்கு திக்காய் போன தமிர்கள் வாழ்வில் பாசையிலும்  கலப்படம் வந்து விட்டது, சுத்தமான தமிழை பேசுவதுமில்லை எந்த நாட்டில் இருக்கிறார்களோ அந்த நாட்டு மொழியும் கலந்துதான் பேசுகிறார்கள் இது மட்டுமா? அவர்களது மதம் கலாச்சாரம் அதுவும் கலந்து கலப்படமாக மாறியது மட்டுமின்றி அவர்களது சிறார்கள்  மதம் மொழி  கலாசாரம் எதுவுமில்லாத ஒரு கலப்பட பிள்ளைகளாக வளர்வதும் உண்மை!

அதைவிட பெரிய மறுக்கமுடியாத உண்மை எதுவெனில்  வெளிநாட்டில் வாழும் தமிழ் பிள்ளைகள் அன்னிய மொழி பேசும் பிள்ளைகளையே விரும்பி மணமுடிபதாகும் ஒவ்வnரு புலம் பெயர் தமிழர் வீட்டிலும் ஒரு பிள்ளையாச்சும் தமிழ் பிள்ளை இல்லாத, வாழுகின்ற நாட்டு பிள்ளையை அல்லது அவர்கள் வாழுகின்ற இடத்தில் வாழும் வேறு நாட்டவர்களை காதலித்து மணமுடிப்பது இங்கு இயல்பாகி போய் விட்டது

அவர்களுக்கு பிறக்கின்ற குழந்தைகள்தான் பெரிய கலப்படம் வெள்ளை கருப்பு இங்கே கலக்கின்றது, மொழியும் மதமும் இங்கே கலக்கின்றது  இரு நாடுகள் இங்கே இணைகின்றது

இங்கு தமிழ் பிள்ளைகள் யேர்மன் நாட்டவரை மட்டுமின்றி   மற்ற நாட்டு பிள்ளைகளையும் மணமுடித்துள்ளார்கள் இதற்கு மேலாக ஒரு கலப்படம் இருக்குமா உலகிலே?

இதை விட கலப்படத்தை பற்றி நான் என்னதான் சொல்ல முடியும்?

கவி  மீனா

 

 

மரம் இல்லாத உலகினிலே 

கவையாகிக் கொம்பாகிக் காட்டகத்தே நிற்கும்

அவையல்ல நல்ல மரங்கள் - சபை நடுவே

நீட்டு ஓலை வாசியா நின்றான் குறிப்பு அறிய

மாட்டாதவன் நன் மரம்--

இதன் பொருள் காடுவழியே செழித்து நிக்கும் மரங்கள் அல்ல மரம்

ஒரு சபைதனிலே வாசிக்க தெரியாமல் நிக்குற படிப்பு அறிவு இல்லாதவனே மரம் என்று

மூதுரையில் ஒளவையயார் சொல்லியிருக்கிறார்

மரங்களின் சிறப்பு அறிந்து ஒவ்வொரு நாடுகளிலும் மரங்களை நட சொல்லி அரசாங்கம் ஒரு பக்கம் சொல்லிவர, இன்னொரு பக்கம் மரங்களை வெட்டி எறிந்து உயர் மாடிகளை கட்டி  காற்று இல்லாமல் மழை இல்லாமல் காய் பழங்கள் இல்லாமல் பறவைகளுக்கு வாழுமிடம் இல்லாமல் நிழல் இல்லாமல் செய்வோரே அதிகம் பேரு

நீங்கள் வெட்ட நினைத்தால் இந்த ஒளவையார் சொன்ன அறிவில்லாது நட்ட மரம் போலே நிக்கின்ற மனிதர்களை அழியுங்கள் அறியாமை ஆணவம் பொறாமை  போன்ற கொடிய குணம் கொண்ட மனிதர்களை அழியுங்கள் மரங்களை வளருங்கள் அன்பு பாசம் மனிதநேயம் உலகமெங்கும் நிலைக்க பாடு படுங்கள்

பழங்களை தருகிற மரங்கள் மட்டுமல்ல ஓங்கி வளர்ந்து நிற்கின்ற மரங்களால்தானே மழை பூமிக்கு வர காரணமாக இருக்கு அதை விட நிழல் கோடை காலங்களில் ஒரு பெரிய ஆறுதல் மனிதர்களுக்கு

மரங்கள் இல்லையேல் வெறும் பாலை வனமாகதானே உலகம் மாறி விடும் பசுமை இல்லாத உலகத்திலே உயிரினங்கள் எப்படி வாழ்வது? வெய்யில் காலங்களில் மர நிழல் கிடைத்தால் எம்மட்டு ஆனந்தம்  இதை உணர்ந்தவன் மரங்களை தறிக்க நினைக்க மாட்டான்

மரங்கள் இல்லா உலகத்தை நினைத்து பாருங்கள் பச்சை நிறமே கண்ணுக்கு தெரியாத ஒரு உலகத்திலை எப்படிதான் வாழ்வது? காயில்லை பூவில்லை இலை இல்லை என்றால்  உண்ண உணவுதான் இருக்குமா?

சிறிய தாவரங்கள் முதல் பெரிய மரங்கள் வரைதான் எமது  உணவுக்கு ஆதாரம்

ஒவ்வொரு மரமும் ஒவ்வொரு பயனையும் பழங்களையும் தருவது மட்டமல்லாமல் சுத்தமான காற்று கிடைக்கவும் உதவுகிறது  வளவுக்குள்ளை இருக்கிற புளியமரத்தை வெட்டி எறிந்து போட்டு கடையிலை தினமும் பழபுளியை காசு கொடுத்த வாங்குற சனங்கள்  ஊரிலை

இருக்குற காணிக்குள்ளை மரங்களை நட்டு காய் கறிகளை அறுவடை செய்யாமல் வெளிநாட்டிலை இருந்து காசு வருவதால் எல்லாம் கடையிலை வாங்குற சனமும் ஊரிலை இருக்கத்தானே செய்கிறார்கள் ஆனால் அவர்கள் சிந்தித்து பார்பதில்லை அவர்களை போலவே மற்றவர்களும் நினைத்தால் கடையில் காசை கொடுத்த வாங்க கூட காய்கள் பழங்கள் இருக்காது என்பதை!

மரங்கள் இல்லாமல் பசுமை இல்லாமல் வெறிச்சோடி போன நிலங்களை நினைத்து பாருங்கள்

காய்கள் பழங்கள் இல்லாமல் மனிதர்கள் பசியால் துடிக்க போவதை எண்ணி பாருங்கள் போற போக்கிலை எதிர்காலம் இப்படிதான் மாற போகிறது

சிந்தித்து பார்த்து செயல் படுங்கள் மரங்களை தறிபதா  மரங்களை வளர்பதா என்று?

கவி மீனா

 

அவன் எங்கே?

அவன் எங்கே அவன் எங்கே?

அந்த ஆதி சிவன் எங்கே?

அடியும் முடியும் காணாது

அண்டமெல்லாம் வளர்ந்து நின்ற

அந்த ஆதி யோகி எங்கே?

உமையவளை பாதி கொண்ட

பரமசிவன் எங்கே?

பரிதவித்து மானிடர் அழுகின்ற போது

அவன் எங்கே?

 

நச்சு பாம்புகளுக்கும் அடைகலம்

 கொடுத்த ஆண்டவன்

அவணியிலே அவதியுறும் மானிடர்கு

அடைகலம் கொடுக்க மறுப்பதேன்

பாதி உடலை பார்வதிக்கு கொடுத்த சிவன்

துன்பமுறும்  பெண் இனத்தை காக்க மறப்பதும் ஏன்

கங்கை கொண்டை சடையான்

உலகை காக்க கங்கயை தந்த  சிவன்

இன்று உலகம் அழிவதை தடுக்காமல்  நிப்பதும் ஏனோ?

அவன் எங்கே அவன் எங்கே?

அந்த ஆண்டவன்தான் எங்கே?

 கவி மீனா

 

 

இன்னும் எத்தனை நாள் 

நாடி தளர்ந்து நடை தளர்ந்து

இடை மெலிந்து பாடையிலே போவதற்கு

பிறப்பெடுத்த மானிடனே

கடை கடையாக ஏறினாலும்

உன் நோயும் பிணியும் தீர

மருந்துமில்லை

 சாக வரம் பெற்று நீடுழி வாழ

வழியுமில்லை

 

நீ மாடி கட்டி வாழ்ந்தாலும்

மடி மீது புரண்டு இன்பமுற்றாலும்

சோடி மாறி சுகம் கண்டாலும்

கடைசியிலே காடுதான்

கட்டுடலும் கலைந்து 

ஆணவமும் அழிந்து

உறவுகளும் தொலைந்து

உருக்குலைந்து நீ போக

காலம் மிக விரைவில்

வரும் என்று தெரிந்தும்

 

பிறரை மதியாமல் குதிக்கிறாய்

அன்பை உணராமல் மிதிக்கிறாய்

எக்கதாளமாய் சிரிக்கிறாய்

நேரமின்றி பறக்கிறாய்

இன்றோ நாளையோ

இன்னும் எத்தனை நாள்

என்பதை மறக்கிறாய்

இந்த நிமிடமாவது சிந்தித்து பார்

உண்மை எது என்பதை சிந்தித்து பார்

கவி மீனா

 

 

கதிரை

கதிரையை பற்றி என்னதான் எழுத போறன் என்று யோசிக்காதீங்கோ கதிரைதான் இன்று முதல் இடத்தை பிடிக்குது, இலங்கை இந்தியா போன்ற நாடுகளில் இந்த கதிரைக்காகதானே ஒரே போராட்டமும், சண்டையும் நடக்குது அரசியல் வாதிகள் ஆளை ஆழு இழுத்து விழுத்த ஒரே அடிதடி சண்டை போடுறாங்க இந்த கதிரையை பிடிக்கத்தானே?

அன்று தொட்டு இன்று வரை இந்த பதவி என்ற கதிரையை பிடிக்க படாத பாடு படுறாங்கள் ஒரு ஆளு ஏறி இருந்தாலும் அடுத் கட்சிக்காரன் இழுத்து விழுத்துறான் இதுக்கு முடிவும் இல்லை சனங்களுக்கு அமைதியும் இல்லை, பதவி மோகமும் பணம் சம்பாதிக்க பேராசையும் தான் காரணம் அரசியல்வாதிகள்தான் பெரும் பணத்தை பதுக்கிறாங்களே!

பதவிக்காகவும் பாளிமென்றில் ( Parliament ) கதிரைக்காகவும்  போடும் கூச்சலுக்கு என்றுதான் முடிவு வருமோ தெரியலை

ஆனால் புலம்பெயர்ந்து  வெளிநாடு வந்து அரசியல் தஞ்சம் புகுந்த தமிழருக்கு கதிரை கிடைச்சுட்டுதுங்க

கூடுதலான தமிழருக்கு இங்கை நிரந்தமாக கதிர கிடைச்சுட்டுது என்றால் ஆச்சரியம்தான்

அதுதாங்க ஒவ்வொருத்தர் வீட்டிலும் உள்ள கதிரையைதான் சொல்லுறன்

இங்கு அனேகம் பேரு வீட்டிலை ரீவீ க்கு ( TV ) முன்னாலை ஆளுக்கொரு கதிரையிலை கிடந்து நாள் பூரா சேரியலை பார்பதுதான் வேலையுங்க!

அவை நினைத்தாலும் அந்த கதிரையை விட்டு எழும்பமுடியாது காரணம் அம்மட்டு நோயுங்க,  பக்கவாதம், பைபாசு, இருதய நோய், நீரிழிவு, கால் விறைப்பு,  முள்ளந்தண்டு பிரச்சனை, கான்சர் இப்படி பலதரப்பட்ட நோய்களும் இங்கு வந்த நம்ம ஆரோக்கியத்தை தாக்கி கதிரையிலை இருக்க வைச்சுட்டுது பாருங்க!

இதுக்குத்தானே ஆசைபட்டாய் பாலகுமாரா என்று ஒரு படம் வந்திச்சுது அது போல நம்ம சனம் வெளிநாட்டுக்கு ஆசை பட்டு ஓடி வந்து ஆனேகமானோர் இப்படிதான் கதிரையிலை கிடக்கினம்

ஊரிலை இருந்திருந்தால் கொஞ்சமாச்சும் வளவுக்குள்ளை வேலை செய்திருக்கலாம் இல்லை கடைசி வீட்டு படியிலை குந்தி இருந்து எழும்பவும், சப்பாணி கட்டி இருந்து எழும்பவும் உடலும் ஆரோக்கியமாக இருந்திருக்கும் உண்டதும் செமிச்சு இருக்கும்

 

நித்தம் நித்தம் நெல்லு சோறு நெய் மணக்கும் கத்திரிக்கா

நித்தம் நித்தம் நெல்லு சோறு நெய் மணக்கும் கத்திரிக்கா

நேத்து வெச்ச மீன் கொழம்பு என்ன இழுக்குதையா

நெஞ்சுக்குள்ள அந்த நெனப்பு வந்து மயக்குதையா

ஊரிலை குத்தரிசி சோறும் மீன் மரக்கறி என்று சாப்பிட்டவையும், இடித்து அரைத்து சமைத்தவையும் இங்கை வந்து பஞ்சி பட்டு வெள்ளைசோறு அதுவும் ரைஸ்குக்கரிலை போட்டு அவிச்சு எடுத்து சாப்பிடுவதும்

இங்கை வந்த சனத்திலை கனபேரு சுதந்திரம் தமக்கு கிடைத்த மகிழ்சியிலை நித்தம் நித்தம் இறைச்சி, முட்டை,  பட்டர், சீஸ், மது, மாது, புகை என நல்லாக கொண்டாடிதான் இப்படி அழுந்துறாங்க இப்ப !

புகை போட்டா பழம் பழுக்கும் ஊரிலை இங்கை புகை போட்டு கன ஆண்களுக்கு நுரையீரல் பழுத்துட்டுதுங்க! ஒரே கம்மு கம்முதான், ஊரிலை ஒழிச்சு ஒழிச்சு குடிச்சவன் எல்லாம் இங்கை வந்ததும் கூட்டு சேர்ந்து குடிக்க தொடங்கினாங்க,

குடிச்சு முடிய கத்தல் கூச்சல் அடிதடி கூட நடந்திச்சு கூடியிருந்த இடங்களிலை இல்லாட்டி ஒழிச்சு வீட்டிலை குடிச்சவன் மனுசியோடே மல்லு கட்டுவது வழக்கமாக போச்சுது,

அவனவன் வாழ்க்கை அவன் கையில் என்று ஏன் சோன்னார்கள் தெரியுமா? அளவுக்கு மிஞ்சி ஆட்டம் போட்டவர்களில் சிலருக்கு கதிரை நிரந்தமாச்சு, சிலபேரு போய் சேந்துட்டாங்க, இன்னும் ஒரு சிலருக்கு தனிமை சொந்தமாச்சு, ஏனெண்டால் குடிகாரண்டை மனுசி விட்டுபொட்டு போட்டாங்க ரோச்சர் தாங்க முடியாமே!

எது எப்படியோ இங்கை அதிகமானோருக்கு கதிரை கிடைச்சுட்டுது அதிலை கிடந்து ரீவீயை ( TV ) பார்த்துக்கொண்டு கிடைக்கிறதை முழங்கிட்டு எழும்ப பறிக்க ஏலாமே உளன்று கொண்டு கிடக்க வேண்டியதாயிற்று, கதிரையை பிடிக்க அடிபாடு உலகமெங்கும் நடக்குற நேரத்திலை நிரந்தரமாக கதிரை கிடைப்பதே பெரும் காரியம் ஆச்சு! இங்கை அவர்கள் கைவிட்டாலும் கதிரை அவர்களை கைவிடாதுங்க!

இது எல்லாம் அவனவன் தேடி கொண்ட வாழ்க்கை பாருங்க!

கவி மீனா

 

 

பச்சை நிறை ஆடைகுள்

டிசம்பர் மாதம் மார்பில் ஒரு கட்டி அதை ஒப்பரேஸன் செய்ய வேணும் என்று வைதியர்கள் சொன்ன போது எனக்கு ஒரே பயமாக போய் விட்டது உள்ள வருத்தங்கள் போதாது என்று இது வேறே வரணுமா? என மனசு நொந்தேன் 3 வருடமாக வீட்டுக்குள் ஒழிந்து வாழுகிறேன் கொரோனாவுக்கு பயந்து 4 தடுப்பு ஊசி வேறே போட்டாச்சு கொரோனா பிடிக்க கூடாது என, ஆனால் விதி விட்டுதா? வீட்டுக்குள்ளேயே வந்து மார்பிலை கட்டி உட்கார்ந்து விட்டது எமது கையில் ஏதுமில்லை என்பதை நான் அறிந்திருந்தும்  ஒவ்வொரு தடவையும் இப்படி இன்னல்கள் வரும் போது மனசு சோர்ந்துதானே போகிறது

ஒரு மாதிரி அந்த நாளும் வந்தது எத்தனையேயா சோதனைகளை முடித்து 16 ம் திகதி மாச்சு மாதம் ஒப்பரேஸன் என்று நாள் குறித்தாச்சு அம்மனை நம்பி தினமும் கும்பிட்டு கொண்டிருக்கிற எனக்கு இப்படி நோய்களும் வருதே கடவுள் இருக்கா என்று ஒரு சந்தேகம் வேறே வந்துட்டுது

ஒப்பரேஸன் அண்டைக்கு மகனோடு கொஸ்பிட்டலுக்கு போக உடனேயே டிரெஸ் எல்லாம் மாற்றி  கட்டிலில் படுக்க வைத்து ஒப்பரேஸன் தியேட்டருக்கு கொண்டு போனார்கள், நான் திரும்பி உயிரோடை வராட்டி என்ன என்ன செய்ய ணும் என்று மகனுக்கு சொல்ல அவன் சும்மா வாயை மூடிகொண்டு வாங்கோ தேவையில்லாமல் கதைக்காமல் என்று சொல்லி போட்டான்

அவர்கள் தந்த ஒரு குழிசையை குடித்தும் எனக்கு அமைதி வரவில்லை உள்ளே போனதும் கதைச்சு கதைச்சு ஒரு ஊசியை போட்டார்கள் நான் எனக்கு பயமாக இருக்கு வேறே வருத்தங்கள் நிறைய இருக்கு நான் கண் முழிப்பனோ தெரியாது என்று அங்கை நின்ற வைதியர்களுக்கும் சொல்ல அர்கள் பயபடாதே எல்லாம் நாங்கள் சரியா பார்பம் என்று சொன்துதான் கேட்டது அதோடே நான்  நினைவிழந்து போனேன்

மீண்டும் கண் முழித்த போது எனக்கு நான் எங்கே இருக்கிறன் என்றே புரியவில்லை அப்படி ஒரே பச்சை நிற உடுப்புகளோடு தலையெல்லாம் மூடி கட்டி மஸ்க் போட்டபடி கனபேரு சிரிச்சு கதைக்கினம் பக்கத்திலை, எனக்கு ஒன்றுமே விழங்கலை நான் ஏதோ வேறே ஒரு உலகத்துக்கு வந்து விட்ட மாதிரி ஒரு உணர்வு

அப்படியும் இப்படியும் பார்கிறன் மெல்லமாக கையை ஆட்டி பார்கிறன்

உடனே என்தலையை ஒரு ஆளு தடவி நீ பயபடாதை எல்லாம் சக்சஸ், ஒப்பரேஸன் முடிஞ்சுது என்று சொல்ல இன்னுமொரு ஆளு என் கையை தடவி நீ எனி பயபட தேவையில்லை என்று சொல்ல  இன்னுமொரு ஆளு காலை பிடித்து நாங்கள் எல்லாம் இருக்கிறம் எல்லாம் நல்லாக முடிஞ்சுது உன்னை ரூமுக்கு கொஞ்சத்தாலை கூட்டி போறம் என்று சொல்ல தான் எனக்கு கொஞ்சம் கொஞ்சமாக விழங்கியது எனக்கு ஒப்பரேஸன் முடிஞ்சுது இவர்கள் எல்லாம் வைதியர்கள்  என்பது

எம்மட்டு அன்பான அவர்களது வார்தைகளும் ஸ்பரிசமும் என்னை மெய் மறக்க வைத்தது எவ்வளவு உயர் கல்வியை கற்ற இந்த வைதியர்களுக்கு பெருமையே இல்லை தன்னட்டை வந்த நோயாளி உயிர் தப்பியது பிழைக்க வைத்ததையிட்டு அவர்களுக்கு மகிழ்ச்சி

ஊரிலை அதிகமான வைதியர்கள் கோட்சூட் கழட்டாமல் திமிராக சுத்தி வருவதை நான் கண்டிருக்குறேன், அங்கு ஒரு பிள்ளை டொக்கடருக்கு படித்துவிட்டால் பெற்றவர்களுககே திமிர் வந்திடும் ஆனால் இங்கு வெள்ளை கோட்டை போட்டு வராட்டி டொக்டர் யாரு கொஸ்பிட்டலிலை வேலை செய்யுறது யாரு என்று வித்தியாசமே தெரியாது

 அன்று நான் ஒப்பரேஸன் தியோடேரில் கண்டேன் கருணை வடிவான வைதியர்களை ஆனால் என்ன முகம் தெரியவில்லை குரல் மட்டும்தான் கேட்டது அந்த பச்சை நிறை ஆடைகுள் தலை வரை மூடி மஸ்க் போட்டு எம்மட்டு சிரமத்துடன்தான் நோயாளிகளை காப்பாற்ற வைதியர்கள் படாத பாடு படுகிறார்கள்

கடவுள் எங்கே எங்கே என்று தேடுகிறோமே இந்த கருணை உள்ளம் கொண்ட வைதியர்களின் அறிவிலும், துன்பதிலை கை கொடுக்கும் உதவும் கரங்களிலும்தான் கடவுள் இருக்கிறார் அதுதான் உண்மை!

 

வருஸம் பிறந்தாச்சு 

 புது வருஸம் பல மாற்றங்களை கொண்டு வரும் வாழ்வில் நன்மைகள் நடக்கும்  துன்பமான நிலமைகள் மாறும் என பல நம்பிக்கையோடு எல்லோரும் ஒவ்வொரு முறையும் புதுவருஸத்தை மகிழ்சியோடு வரவேற்கிறோம்

ஆனால் என்னமோ அவ்வளவு கெதியாக எந்த மாற்றமுமும் நிகழ்வதில்லை  3 வருடமாக நாட்டை விட்டு கொரோனாவையும் துரத்த முடியுதில்லை  ஏறுகின்ற விலைவாசிகளையும் நம்மாலே கட்டுபடுத்த முடியலை மேலும் பரவுகின்ற காச்சல் தடிமல் கிரிப்ப  போன்ற தொத்து நோய்களும் வேகமாக பரவிகொண்டு மனிதர்களுக்கு பெரும் தொல்லைகளை கொடுத்துக்கொண்டுதானே இருக்கின்றது இதுக்கு எல்லாம் ஒரு நாள் விடிவு வந்தால் ஒழிய வாழ்க்கையில் மனிதர்களுக்கு நின்மதியே இல்லை

 

கலண்டர்கள் நாள் காட்டிகள் காட்டாவிடில் எங்களுக்கு புது வருஸம் பிறப்பது கூட தெரியாமல் போய்விடும் காரணம் உலகில் எந்த மாற்றமும்  தெரிவதில்லை காடு கடல் மலை மேகம் இயற்கை என எல்லாமே அப்படியே இருக்க காலம் மட்டும் எப்படி மாறுது? அதுதான் புரியாத புதிராக என்றும் உள்ளது, நாம் வாழும் காலத்தில் கூட ஒரு யுகமும் மாறியது அதாவது கலியுகமும் மாறி கிருதா யுகமும் நடக்குது ஆனாலும் மாற்றங்கள் எதுவும் கண்ணுக்கு புலப்படவில்லை

விஞ்ஞான வளர்சியிலே மனிதன் கண்டு பிடித்த பிளேன் முதல் தரையில் கார் றெயின் மோட்டார் வண்டி எல்லாம் அறம்புறமாக ஓடுது ஒரே துசும் துகளும் அதனால் காற்றில் அழுக்குகளாக நிரம்புது சுற்றாடலை மாசு படுத்தும் இந்த வானங்களின் சத்தம் வேறே காதை பிளக்கும் அமைதியான சூழல் குறைந்து கொண்டே போகிறது இந்த வாகன போக்கு வரத்து இல்லாட்டி மனிதர்கள் நாடு விட்டு நாடோ இல்லை நகரங்கள் மாறவோ இல்லாது போனால் அன்றாட வேலைகளை செய்யவோ வாழவோ முடியாமல் எல்லாமே ஸ்தம்பித்து போய்விடும்

இப்படியான வசதிகள் இல்லாத ஆதிகாலத்தே மனிதன் எப்படிதான் எல்லாத்தையும் செய்தான் புதிய வழிகளை வாழ்க்கை முறைகளை கண்டு பிடித்தான்? என்பதை விஞ்ஞானரீதியாக ஆராய்சிகள் செய்துகொண்டே இருக்கிறார்கள் இன்றுவரை!

 

யோதிடர்கள் ஒவ்வொரு வருஸம் பிறக்கும் போது அந்த மாற்றம் வரும் இந்த மாற்றம் வரும் இன்னாருக்கு இன்னது நடக்கும் என்று சொல்வதை நம்பி புது வருஸ் பிறக்கட்டும் என்று காத்திருப்போரும் உண்டு

நடப்பது நடக்கட்டும் வருவது வரட்டும் என்று என்னை போலே சிலரும் வந்தோம் வாழும் வரை வாழ்வோம் போகும் போது போவோம் என துணிச்சலாக சிலரும்

இருக்கும் வரை அடுத்தவனை வதைத்து நசித்து அடித்து நொருக்கி சுயநலமாக வாழ நினைப்போரும்

ஏதோ ஏலககூடிய உதவிகளை அல்லது நல்ல வழிகாட்டலை மற்றவர்களுக்கும் காட்டி இருப்பதை வைத்து மனநிறைவோடு வாழ்வோருமாக இந்த உலகில் பல விதமாய் மனிதர்கள்

வாழ வருஸம் பிறந்தாச்சு பாப்போம் 2023 எமக்கு என்ன மாற்றங்களை தரபோகிறது  பொறுத்திருந்துதான் பார்போமே!

கவி மீனா