இந்த நாய்

இது என்ன தலைப்பு  என்று யோசிப்பீர்கள் எதுக்கெடுத்தாலும் சிலர் இந்த நாய் இப்படி செய்திட்டுது என்று ஆட்களை திட்டி கொண்டே இருப்பார்கள் அது பிள்ளைகளாகட்டும் சக மனிதர்களாகட்டும் நட்பு என்று வந்து சொரண்டிக்கொண்டு போனவர்களாகட்டும் இந்த நாய் இப்படி செய்திட்டுது என்று திட்டு வோரே அதிகம் பேரு, ஆனால் நாய் அப்படி ஒரு தீங்கும் செய்யாது பாருங்க!

ஒரு பிடி சோறு கொடுத்தாலே அது சாகும் வரை நன்றியோடு வாலை ஆட்டி கொண்டு எம் பின்னே வரும், ஆனால் மனிதர்கள்தான் உருட்டி உருட்டி தண்டி விழுங்கினாலும்

ஓடி ஓடி உதவிகளை நாம் செய்தாலும் எல்லா உதவியும் பெற்று முடிய கெட்ட வேலைகளை எமக்கு செய்து போட்டு ஓடுவது வழக்கமாகி விட்டது, திண்ட சட்டிக்குள்ளை பேலும் என்றும் சொல்வார்கள் நாயை அது ஒரு நாளும் அப்படி செய்வதாக தெரியவில்லை, அது வழக்கமாக தான் மலம் கழிக்கும் இடத்துக்கு போய்தான் மலம் கழிக்கிறது, அது தமிழன் வளர்த்த நாயாகட்டும் வெள்ளையர் வளர்கும் நாயாகட்டும் ஒருக்கா பழகி விட்டால் அது தன் இடத்துக்கே போகிறது,

நன்றி கெட்ட மனிதர்கள்தான் இங்கை நாம் கை ஏந்தினம் என்பதை மறந்து அந்த வீட்டுக்கே தீங்கிழைத்து செல்கிறார்கள் இப்படி கேவலமான மனிதர்களை திட்டுவதற்கு நாயை ஏன் இழுத்து பேசணும் என்றுதான் நான் கேட்கிறேன்

நாய்க்கு ஒரு நாள் தர்மர் அவரது  செருப்பை நாய் கவ்வி கொண்டு போனதாலே  ஒரு சாபம் போட்டாராம்

நீ மறைவில் உடல் உறவு கொள்ளாமே நடுதெருவிலைதான் உடல் உறவை வைப்பாய் என்று

ஆனாலும் நாய்கள் எந்த நாளும் உடலுறவு வைப்பதில்லை பாருங்க!  அதுகள் கார்திகை மார்கழி மதங்களில்தான் தன் துணையை தேடி திரிவதாகவும் உடல் உறவு கொள்வுதாகவும் சொல்ல படுகிறது

ஆனால் சாபம் போட்ட தர்மர் முதல் சாதாரண மனிதர்கள் வரை  இந்த காமத்துக்காக இரவு பகலாய் அலைகிறார்கள்  ஒன்றிருக்க இன்னுமொன்று அல்லது ஒன்று போனால் வேறு ஒன்று இவர்களுக்கு வயது எல்லையோ வரையறையோ இல்லை பாருங்க!

இதுக்கு ஒரு சிலரே விதி விலக்கு!

ஊரிலை நாய்கள் பாடு கஸ்டம்தான் சில மனிதர்களுக்கே சாப்பாடு கிடைக்காத போது நாய்களுக்கு யாரு புது சாப்பாடு தட்டிலை வைத்து போடுகினம்? மிச்சம் சொச்சம் அதுவும்  நிலத்திலை கூட போடுவினம் அதனால்தான்

 நாலாம் பிறையை கண்டால் அந்த மாதம் நாய் படா பாடு என்று சொல்லுவினம் ஊரிலை அங்கே, ஆனால் நாய்கள் வெளிநாட்டில் நல்லாகதான் பேரும் வைத்து வளர்க்கபடுகின்றன அதுக்கென படுக்க இடமும் சாப்பிட குடிக்க தட்டும் அதுக்கான சாப்பாடும் வேளா வேளைக்கு வளர்பவர்கள் கொடுபதை நான் பார்த்துள்ளேன், அப்படியில்லாது ஒரு நாய் கவனிப்பாரில்லாது விட பட்டால் அதை வந்து அரசாங்கம் பிடித்து கொண்டு போய் பராமரிக்கும் இடத்தில் விட்டு விடும்

ஆனால் என்ன அது நக்கிதான் தண்ணியை குடிக்க வேணும், கடலுக்கு போனாலும் அதனால் அள்ளி குடிக்க முடியாது அங்கும் நக்கிதான் குடிக்கும் அதன் தலைவிதி அப்படி!

அது என்னவோ நாய்கள் அங்கும்சரி இங்கும்சரி நன்றியாகவும் மனிதர்களுக்கு பாது காப்பாகவும்தான் இருக்கின்றன, நாய்களுக்கு விசேஸ  அறிவு இருப்பதால்தான் நாய்களை மட்டும் பொலிஸ்நாய்களாகவும் பார்வை அற்றோருக்கு பாது காப்பாகவும் பயிற்சி அளிக்க படுகின்றது

நாய்களுக்கு மூளையில் ஒரு வைரஸ் கிருமி தொத்துவதால்தான் விசர் பிடிக்கிறது அப்பதான் அது ஆட்களை கடிக்க வருகிறது ஆனால் சில மனிதர்கள் நித்தம் நித்தம் விசர்நாய்போலேதானே நடந்து கொள்கிறார்கள்!

கத்துவதும் குளறுவதும் வீட்டிலை இருபவரை தீய சொற்களால்  கடித்து  குதறுவதுமாய்  காலத்தை ஓட்டுகிறார்கள் இப்படியான கேவலமான மனிதர்களை  திட்டுவதற்கு நன்றியுள்ள நாயை நாம் இழுக்க கூடாது

இதைதான் நான் சொல்ல வந்தேன் ஒரு பிடி சாப்பாடு போட்டால் நாய் காலமெல்லாம் உன் பின்னே வருகிறது ஆனால் சமைத்து சமைத்து போட்டாலும் தாலி கட்டிய புருஸனுக்கு நன்றியும் இல்லை, நட்பென்று சொல்லி வந்து வந்து சாப்பிட்டு போன  தமிழருக்கும் விசுவாசமில்லை இதுதாங்க உண்மை!

இந்த நன்றி கெட்ட மனிதர்களை விட நாய்கள் மேலடா!

 கவி மீனா

 

நாதியற்று போகாமல்

மண் குதிரையை நம்பி

ஆற்றில் இறங்கினால்

நட்டாற்றில் உயிர் போகும்

பாதி குருடனை கை பற்றி

போனதாலே

பாதியிலே வாழ்க்கை

முடிஞ்சு போச்சுது

 

நீதி நியாயம் பார்த்து வாழ்ந்தால்

நெஞ்சில் நின்மதி அற்று போகுது

சாதி சனம் பார்காமே பழகி பார்த்தாலும்

பிறவியிலே உள்ள குணம்தான்

கடைசி வரை நிக்குது?

ஆதி மனிதனை போலே

வாழ்ந்துவிட்டால்

நோயுமில்லை பிணியும் இல்லை

அகதிகளும்தான் இல்லை

 

நீ பாதி நான் பாதி என்று

வாதித்து வாதித்து

வாக்கு  வாதங்களும் கூடி

குற்றவாளி யாரு பிரதிவாதி

யாரு என்று அறியாமல் போகுது

மீதி காலம் போவது எப்படியோ?

 

சேதி கேட்டு ஓடி வர உறவும்

இல்லை என்றால்

நாதியற்று போகாமல்

பாதிமதி சூடிய ஆதி சிவன்

தாழ் பணிந்து அவன் கதியாய்

வாழ்ந்திடுவோமே!

கவி மீனா

 

 

தடுப்பூசி 

இரவு முழுதும் தூக்கமில்லை

காரணம் விடிஞ்சால் தடுப்பூசி போட போறாங்கள் என்று

எத்தனையோ ஊசி இதுவரை போட்டாச்சு ஆனாலும் இந்த கொரோனா ( Covid 19 ) தடுப்பூசிக்கு

இம்மட்டு பயம் அத்தனை பயமுறுத்தல்கள் இதுவரை அந்த தடுப்பூசியை பற்றி வெளியான சேதிதான் என்னையும் பயத்துக்கள்ளாக்கியது

இல்லாட்டி ஊசி போடுவதே எனக்கு ஒரு யுஜிப்பி மற்றர்,

விடிய 5 மணிக்கே எழும்பி வெளிகிட்டு 8 மணிக்கே டொக்கர் இடத்துக்கு போனால் அங்கை றோட்டுவரை சனம் கியுவிலை நிக்கினம்

அம்மளவு சனம் தடுப்பூசியை விரும்பி போட வந்திருப்பது நல்ல விடயம் என்றே நான் நினைத்தேன், எல்லாரும் தடுப்பூசியை போட்டால்தான் இந்த நோயின் பாதிப்பு இந்த நாட்டை விட்டு போகும்

நெஞ்சு படக் படக் கென்று அடிக்க அவர்கள் தந்த பேப்பர்களை நிரப்பி கொடுத்ததும் என்னை கூப்பிட்டார்கள், நானும் பயத்தோடுதான் நடப்பது நடக்கட்டும் அம்மாளாச்சி துணை என்று தடுப்பூசியை ( Byontech ) போட்டு கொண்டன்

அது ஒன்றும் நோவலை வளக்கமாக மற்ற ஊசிகளை  ஏத்துவது போல அவர்கள் ஏற்றி விட்டார்கள் எனக்கும் பெரிதாக நோகவும் இல்லை

எனி எப்படி நோகுமா? காச்சல் வருமா? தெரியாது ஒரு 15 நிமிடம் அங்கு இருந்து விட்டு ரக்சி பிடிச்சு வீடு வந்து சேர்ந்தன், அப்பாடா என்று மனசில் ஒரு நின்மதி எனி இரண்டாவது ஊசி அடுத்த மாசம் கிடைக்கும்

இந்த  தடுப்பூசி ( Byontech ) எல்லாருக்கும் கிடைக்காது ஏதோ கடவுளின் அருள் எனக்கு கிடைச்சது

நேற்று மலை போல இருந்த பயம் இன்று பனி துளியாக உருகியது

அனைவருக்கும் தடுப்பூசி கிடைத்து இந்த கொரோனாவை விரட்ட முடியுமானால் அதை போலே மகிழ்சி வேறு எதுவுமே இன்றைய கால கட்டத்தில் இல்லை என்பேன்

இன்று 400 பேருக்கு குறையாமல் தடுப்பூசி போட போவதாக பேசி கொண்டார்கள், கிளினிக்கில் வேலை செய்யும் பெண்கள் மெசினை விட வேகமாக ஓடி ஓடி வேலை செய்வதும், இப்படியான மருத்துவ வசதிகளும், மருந்தும் கண்டு பிடிச்சதும் எல்லாமே கடவுளின் செயல்தான் விஞ்ஞானிகள் மருந்தை கண்டு பிடித்தது என்னவோ உண்மைதான், அதற்கும் கடவுளின் அருள் இன்றி எதுவுமே நிறைவேறாது

என்பது எனது நம்பிக்கை!

 

தனி வழியே

என்னத்தை சொல்ல ?

நேரமோ ஓடுது

நினைவுகளும் கூடுது

வாழ்க்கை மட்டும் விட்ட இடத்தில்

அரக்காமல் நிக்குது

காலங்களும் மாறுது

பருவங்களும் குளிரும் மழையுமாய்

வந்து போகுது

எம்மை சுற்றிய மனித உருவங்களும்

நாளுக்கு நாள் மாறுது

 

அன்பு என்று வந்த உறவும்

வம்பாகி போகுது

நட்பு என்று நினைபதும்

நயவஞசகமாய் ஆகுது

மாறத அன்பும் நேர்மையான நட்பும்

உலகில் இல்லையென்றானது

வருபவர் வரட்டும் போபவர் போகட்டும்

 மனித வாழ்வோ சில நாள்

இதில் யார் வந்தென்ன

யார் போய் என்ன

நம்ம வழி என்றும் தனி வழியே!

 

இதுதானே  வாழ்க்கை சக்கரம்

வாழ்ந்தது போல் நீ நடித்தாய்

வாழ்வதாக நானும் நடித்தேன்

உலகமேடையிலே நீயும் நானும் நடிகரே

எச்சில் சோற்றை உண்பவனும்

அடுத்தவன் இலையில் எடுப்பவனும்

எல்லமே பசிக்குதான்

சிலர் வாழ்வு உடல் பசிக்குதான்

 

ஆட்டுக்கல்லு அம்மி கல்லு என

பூட்டி வைத்த வரும்

போகும் போது ஒரு கூழாம் கல்லை

கூட எடுத்து செல்லவில்லை

 காணி  வீடு என பொத்தி பொத்தி

பாத்த நிலம் இன்று

யார் யாரோ வந்து போகும்

சந்தை மடம் ஆனது

 

ஊருக்கு உலை வைப்போர்  வீட்டில்

இன்று  உலை வைக்கவில்லை

இது கொரோனா தந்த தண்டனையா

இல்லை கடவுள் கொடுத்த தண்டனையா?

யார் அறிவார் உலகில்?

 

எவர் வருவார் எவர் போவார்

என்பதும் தெரியாது

சுயநலலமான வாழ்க்கையிலே

யாரும்  உண்மை அன்பும் இல்லை

நன்றி உணர்வும் இல்லை

யார்தான் ஒட்டி இருந்தாலும்

பாடையிலே போகையிலே

யாரும் கூட வருவதுமில்லை

 

காதென்ன தோடேன்ன கழுத்து நிறைய

நகையென்ன கை குலுங்க வளையல் என்ன

பட்டென்ன பொட்டென்ன பவிசாய் வாழ்ந்தென்ன

பேய் பிடித்தால் மூலையிலே இருளோடு ஒதுங்கிடுவர்

தீயில் இட்டால் எல்லாமே தீஞ்சுதானே போய் விடும்

 

காற்றை உள்ளிழுத்து நீரை பருகி

நிலத்தில் நடந்து ஆகாயத்தை பார்த்து

கடைசியிலே தீயோடு போகுது

இந்த ஐம்பூதங்களின் சேர்கையே

இந்த உடலை தந்தது அந்த

ஐம் புதங்களினாலே உயிரும் வாழுது

அந்த ஐம் புதங்களுக்குள்ளே உடலும் சாயுது

 

சுத்தி சுத்தி பூமி வருகுது

அதில் சுத்தி சுழன்று உறவும் பெருகுது

வந்து போகும் உறவும் கூட நடக்கும் பயணியும்

பாதை மாறி போகுது பயணங்களும் மாறுது

மனித நேயம் ஒன்று மட்டும்

 மாறாது இருந்து விட்டால்

மானிட வாழ்க்கையும் மாசாக போகும்

இதுதானே  வாழ்க்கை சக்கரம்

அதுவே ஓம் என்னும் தத்துவம்

கவி  மீனா

 

புத்தர் சொன்ன வாக்குகள்

முதலாவது உண்மை மனித வாழ்க்கை இயல்பாகவே துன்பம் நிறைந்தது

இரண்டாவது

உண்மை அந்த துன்பத்திற்கு காரணம் தன்னலமும் ஆசையும்

மூன்றாவது உண்மை மனிதனால் தன்னலத்தையும் ஆசையையும் அடக்க முடியும்

நான்காவது உண்மை மனிதன் தன்னலம் ஆசை ஆகியவற்றிலிருந்து தப்பிக்க எட்டு வகை பாதை உண்டு

நேர்மையான கருத்து, நேர்மையான எண்ணம், நேர்மையான பேச்சு, நேர்மையான செயல், நேர்மையான வாழ்க்கை, நேர்மையான முயற்சி, நேர்மையான சித்தம், நேர்மையான தியானம் ஆகியவையே அந்த எட்டுப்பாதைகளாகும்

(Puthar)

புத்தர் எத்தனை நல்ல விடயங்களை சொல்லியிருக்கிறார் அதை கேட்டு நடப்பவர்கள் யார்தான் உண்டு? நல்ல விடயத்தை கேட்டு கடைபிடிக்க எந்த மதம் ஒரு கட்டுபாடும் விதிக்கலை,

யார் வாயில் நல்லதை கேட்டாலும் நாம் அதை கடைப்பிடிக்கலாம்

அதைவிட எல்லா மதமும் ஒரே நல்ல விடயத்தைதான் சொல்கிறது ஐம்பூதங்களை வைத்து எல்லா மதமும் இயங்குகிறது, எல்லா மதத்திலும் நீர் நெருப்பு காற்று ஆகாயம் பூமி என்பது பொதுவே, எல்லா உயிர்களும் ஐம் பூதங்களின் சேர்க்கையினால் ஆனதே!

இதில் கடவுள் மட்டும் ஒவ்வொருதருக்கும் வேறாக இருக்க முடியுமா?

பகவத் கீதை மூலம் பகவான் கிரிஸ்ணரும் நல்ல விடயங்களை எடுத்துச் சொன்னார் அதையும் யாரும் காதில் விழுத்தவதில்லை, பைபிள் முதல் நமது இந்து மதத்திலுள்ள 4 வேதங்களும் கூட பாவம் செய்வதற்கான தண்டனைகள் பற்றியும், பாவம் செய்யாது எப்படி வாழ வேணும் என்பது பற்றியுமே சொல்கிறது

மற்ற ஜீவராசிகள் பாவம் செய்வதாக தெரியவில்லை, ஆறு அறிவு கொண்ட இந்த மானிடர்தான் பேராசை, கோபம், காமம்,  குரோதம்,  அகங்காரம் என்னும் தீய குணங்களால் பாவங்களை செய்கிறார்கள் அதிலிருந்து தப்ப முடியாமல் மானிட வாழ்வில் மூழ்கி தவிக்கிறார்கள்

 சிலர் மனம் திருந்தி நல்ல வர்களாக நேர்மையான பாதையில் வாழ்நினைத்தாலும் தீயவர்களால் அவர்களுக்கு துன்பம் நேரிடும் போது அவர்களும் நிலை தடுமாறிதான் போகிறார்கள்

முடிந்தவரை பிறர் சொத்துக்கும், மாற்றான் துணைக்கும் ஆசைபடாது பேராசை, அவா கொள்ளாது நமக்கு எது உள்ளதோ அத்துடன் வாழ பழகி கொள்வதே சிறந்த வாழ்க்கை முறையாகும்

போதுமென்ற மனமே பொன் செய்யும் மருந்து  என்று ஆன்றோர் சொன்ன வாக்கை கடைப்பிடித்தாலே போதுமானது

இறைவனை மனதில் வை, கடமையை கருத்தாய் செய், துன்பம் தருரோரை விலத்தி வை!

இதுவே என் கருத்தாகும்

 

அந்தி பொழுதினிலே

செந்தமிழ் சோலையிலே

கவி பாடி வரும் ஈழத்து பைங் குயிலே

உன் பூ முகம் பார்கையிலே

நான் மது உண்ணும் வண்டானேன்

 

அந்தி பொழுதினிலே

உந்தன் அன்பி்ன் அரவணைப்பில்

மகுடி கேட்கும் நாகமானேன்

பொங்கி வரும் புது நிலவில்

மின்னும் உன் புனனகை கண்டே

நான் அந்தி மலர் ஆனேன்

 

அன்பே உந்தன் வாய் மொழி ஓசையிலே

அந்த இசையின் ஏழு சுரம் கேட்டே

உன் மடி துங்கும் மதழையானேன்

போன ஜென்ம பந்தத்தினால்

 உந்தன் நேசம் என்னை தூண்டில்

போல்  இழுக்குதடி