சை சை

 

 

டங் டங் என்று ஒரு ஓசை

அது மழை துளி பேசும் ஒரு பாசை

இது நம் காதில் கேட்கும்  இசை

இயற்கை சொல்லும் அதன் மனசை

அதை கொண்டு வருவது காற்றின் விசை

 

 

 

 

 

சிலர் பேச்சோ ஒட்டும் பிலாக்காய் பசை

நாள் பூராய் போடும் சிலரது வாய் அசை

அழிவை தேடி தருவதே நம் ஆசை

றொட்டிக்கு மாவை கையாலே பிசை

 

 ஒருவர் பாட்டுக்கு எதிர் பாட்டு பாடினால் எசை

குற்றம் புரிந்தால் அன்று கிடைக்கும் அடி கசை

பேயாக அலையாதே நாளும் எண்ணி காசை

அழித்து விடு உன் உள்ளத்திலுள்ள மாசை

கவி மீனா

 

அரளி பூ

 

இது ஒரு நஞ்சு நிறைந்த பூ மரம் வெள்ளை சிவப்பு என இரு நிறங்களில் நான் கண்டு இருக்கிறன்

அரளியிலும் செவ்வரளி பொன்னரளி என்றும் பல நிறங்களிலும் இருக்கு என்பதை நான் வாசித்து அறிந்துள்ளேன்

இந்த பூவை பெண்கள் தலையில்  சூடுவதில்லை கோயில்களுக்கு அர்சனைக்காகவே கோயில் நந்தவனங்களிலும் வளர்கபடுகின்றன

ஊரில் இது காடு கரம்பு குளக்கரை வாய்கால் ஓரம் என எங்கும் காணப்படும் இந்த பூ மிக அழகாக இருக்கும்

இருந்தும் வீடுகளில் இதை வளர்க்க பெரிதும் யாரும் விரும்புவதில்லை காரணம் பயம்தான்

இதில் பூ முதல் வேர் காய் வரை சஞ்சு தன்மை இருப்பதால் அதை தெரியமல் தன்னும் யாராச்சும் பிள்ளைகள் தொட்டு அளைந்து வாயில் வைத்தால் மரணிக்க நேரிடும் என்ற பயத்தில் இந்த மரம் வீடுகளில் வளர்பது குறைவு

ஆனால் கோயிலில் அர்சனைக்காக இந்த பூக்களை பறிக்கிறார்கள் அல்லது யாராச்சும் தற்கொலை செய்ய விரும்புபவர்கள் இந்த மரத்தின் காய்களை பறித்து அரைத்து சாப்பிட்டு இறப்பதாக பல  தமிழ் படங்களில் காட்டுகிறார்கள்

இதை ஜேர்மனியில் ஒலியாண்டர் ( Oliyander ) என சொல்வார்கள் இது இங்கு விலை உயர்ந்த பூக் கண்டு  இங்கு சமர்காலங்களில் வெளியில் வைக்கலாம் குளிர்காலங்களில் சட்டியில் வளர்கும் பூக்கன்றுகள் உள்ளுக்கு எடுத்து வைக்காவிடில் பட்டு விடும்

 

நஞ்சு மரம் என்று தெரிந்தும் நானும் இங்கு பல்கணியில் வைத்து வளர்கிறன்

நச்சு பாம்புக்கு பால் ஊத்தி வளர்பது போலே

தண்ணி ஊத்தி வளர்கிறன் மரம் தானாக வந்து என்னை கடிக்காது என்பதால்

 

கண்ணை பறிக்கும் அழகான  பூவுக்கு இப்படி ஒரு நஞ்சு தன்மையா? என சிந்திக்க தோன்றுகிறது

கண்ணுக்கு அழகாக இருக்குது என்று நாம் எதையும் ஆசை படகூடாது என்பதற்கு இது ஒரு இயற்கை யின் எடுத்து காட் டோ?

இறைவனின் படைப்பில் எத்தனை புதுமை ?

 

கவி மீனா

விழாம்பழம்

பல காலத்தின் பின் அகப்பட்டது ஒரு விழாம்பழம்

சும்மா விடுவனா? அடித்து உடைத்து

பழத்தை கரண்டியால் தோண்டி எடுத்து சக்கரை போட்டு

குளைத்து சாப்பிட்டால் ருசியோ ருசி

புளிப்பும் இனிப்பும் கலந்த நல்லதொரு சுவை.

விழாம்பழம் ஒரு தெய்வீக பழமாக கருதுவதால்தான் கோயில் பூசைகள், சரஸ்வதி பூசை போன்ற நேரங்களில் கடவுளுக்காக நெய்வேத்திய பழமாக இதை உபயோக படுத்துகிறார்கள்.

விழாம்பழம் ஆனைக்கும், ஆனை முகத்தோனுக்கும் பிடித்த பழமாம் இதை நாள்தோறும் நாம் உண்டு வந்தால் எமக்கு மனக்கட்டுபாடும்,

மனோ வலிமையும் கிடைக்கும் என்று சொல்லியிருக்கிறார்கள் சித்தர்கள்.

அத்துடன் பித்தத்தால் வரும் நோய்களையும் செமிபாட்டு  கோளாறுகளையும் இந்த பழம் போக்க வல்லதாம்

நித்தமும் கிடைத்தால் சாப்பிடலாம் ஆனால் எமக்கு ஆது அரு மருந்தாக அல்லவோ இருக்கின்றது.

ஊரிலை வாழும் காலத்திலும் இந்த மரம் பெரிய வளவுகள் உள்ள இடங்களில் காணப்படும், நகரங்களில் ஒரு சில மரமே காணக்கூடியதாக இருந்தது.

அன்று வூட் அப்பிள் இருக்க மேலை நாட்டு அப்பிளை தேடி அலைந்தார்கள் மேலை நாட்டில் வாழும் என் போன்றவர்களுக்கு ஊரை ஞாபக படுத்தும் இப்பழம் சுவையும் அதை சாப்பிடும்போது மனதுக்கு ஒரு நிறைவையும் தருகிறது என்பது உண்மைதான்.

கவி மீனா

மனிதன் மடிந்தால்

காய்ந்த மரமும் விறகாகுது

கருகிய சருகும் பசளையாகுது

அறுத்த புல்லும் வைக்கோல் ஆகுது

உதிர்ந்த பூக்களும் வாசனை திரவியமாகுது

வெடிச்ச பருத்தியும் பஞ்சாகுது

விழுந்த பழங்களும் விதையாகுது

செத்த மீனும் கருவாடாகுது

உடைந்த முட்டையும் ஒம்லெட் ஆகுது

வெட்டிய ஆடும் பிரியாணியாகுது

மனிதன் மடிந்தால் யாருக்கு லாபம்

இறந்த பின்பும் வெறும் தொல்லையாகிறான்

எழுதா காணிக்காக சொத்துக்காக

இருப்பவரை கூட அடிபட  வைத்தே சாகடிக்கிறான்

இதுதான் உண்மை

உணர வேண்டிய உண்மை

கவி மீனா

சுத்துது சுத்துது

 

சுத்துது சுத்துது சுழன்று சுத்துது

கன நேரம் கடந்தும் சுத்துது

கணணி திறக்க ஒரு வளையம் சில நேரம் சுத்துது

அதை பார்த்து பார்த்து கண்ணும் சுத்துது

 

கடிகார முள்ளில் கம்பி சுத்துது

சத்மிட்டு  சுழன்று சுத்துது

கால சக்கரம்  சுழன்று சுத்துது

அதில் மனித வாழ்வும் நின்று சுத்துது

 

 

சுத்துது சுத்துது பூமி சுத்துது

கண்ணுக்கு தெரியாமலே அதுவும் சுத்துது

சூரியர் சந்திரர் சேர்ந்து சுத்துது

அதில் கோள்களுமே ஈர்பில் சுத்துது

 

 

வண்டி சக்கரம் உருண்டு சுத்துது

சுமைகளும் அதில் ஓடி சுத்துது

என்னை சுற்றி எல்லாம் சுத்துது

அதை நினைத்து பார்த்தால் தலையும் சுத்துது

 

சுத்துவது எல்லாம் சுத்தாமல் நின்றாலும்

பூமி மட்டும் சுத்தி கொண்டே நிக்குது

முடிவு இல்லாமல் சுத்தி கொண்டே நிக்குது

கவி மீனா

அம்பிகை பாதம்

உலகம் என்னும் மேடையிலே

நாடகம் ஆடிடும் மானிடரே

நாளை என்பது நிச்சயமில்லை

யாரை நம்பி நாமிருப்போம்

 

பணமும் பதவியும் உள்ளவரை

உணவை கண்ட காக்கைள் போல்

ஆயிரம் உறவுகள் சுற்றி வரும்

அன்பு இல்லா உலகத்திலே

ஆறுதல் சொல்ல யார் வருவார்

 

ஊருக்காக உறவுக்காக வாழ்வதிலே

நம் உயிர் மூச்சும் நின்று விடும்

வந்த வழியே போவதற்கு

 வழி துணை கூட தேவையில்லை

 

பொய்யான உறவை நம்பி

புளிதியிலே புரளாது

அக இருளை போக்க

அம்பிகை பாதம் நினைத்திடுவோம்

அவள் பாதம் நினைத்திடுவோம்

 

கவி மீனா

கடவுள் கரம் நீட்டுவார்

ஒரு தமிழ் பிராத்தனை வைக்கிற இடத்திலை ஒரு நாள் இந்தியாவிலிருந்து வருகை தந்த அவர்களது பாதிரியார் ஒருவர் ஒரு கதை சொல்லி கொண்டிருந்தார்.

அதாவது ஒரு பிராமணன் தினமும் குளத்திலை குளித்து விட்டு அருகில் உள்ள கோவிலுக்கு போய் பூசை செய் வானாம் அந்த ஏழை பூசாரி தினமும் பக்தி சிரத்தையோடு மந்திரங்கள் சொல்லி கொண்டு கோவிலுக்கும் குளத்துக்குமாக போகும் பாதையிலுள்ள சேச் பாதிரியாரான அவர் இதை கவனித்துக் கொண்டே இருந்தாரம்.

ஒரு நாள் அந்த சேச்சில் அதாவது தேவாலயத்தில் ஒரு பெருநாள் என்பதால் வெளியே வாசலில் நின்று அந்த பாதிரியார் பிராத்தனை செய்து கொண்டிருக்கும் போது கூட்டமாக நின்ற சனங்களுக்கு முன் வரிசையில் அந்த பிராமணனும் நின்று கொண்டிருப்பதை அந்த பாதிரியார் கவனித்ததுக்கொண்டே இருந்தார்,

கடைசியாக பிராத்தனை முடிந்ததும் பாதிரியார் அந்த பிராமணனை அணுகி நீங்கள் முழு நேரமும் இங்கே நின்று கேட்டுக்கொண்டிருந்தீர்களே எனது பிராத்தனை எப்படி இருந்தது என வினாவினாராம்.

அப்போது அந்த பிராமண பூசாரி சொன்னது என்னவெனில் பெரியவரே பாதிரியாரே நீங்கள் என்னமோ கனக்க பேசிக்கொண்டிருந்தீர்கள் அது ஒன்றும் என் காதில் விளவில்லை ஆனால் எனக்கு உங்களுக்கு பின்னாலே உயரத்தில் நீங்கள் சொல்கிற யேசு நிற்பது தெரிந்தது அவர் என்னை பார்த்துக்கொண்டு நின்றார் அதனால்தான் நானும் நின்றேன் என்றானாம்.

இதை கேட்ட பாதிரியார் அப்படியா இப்போதாவது உனக்கு எந்த மதம் உண்மை என்பதை விளங்க முடிகிறதா? என கேட்டாராம் என இங்கு வந்து போதனை செய்த பாதிரியார் இந்து மதத்தை அதாவது சைவ சமயங்களை இழிவு படுத்தி பிரச்சாரம் செய்து கொண்டிருந்தார் ஆனால் அந்த பாதிரியாருக்கு விளங்கவில்லை  அந்த பிராமணன் கண்ட யேசுவை அவர் காணவில்லை என்பது!

அடுத்த மதங்களை தூற்றுவதால் மட்டும் கடவுளை காணமுடியாது  உண்மையான பக்தி இறைவனிடம் இருந்தால் கடவுள் எந்த வடிவில் நின்றாலும் எமது கண்ணுக்கு தெரிவதுடன் எமக்கு துன்பங்கள் வரும் போது கைகொடுத்து உதவவும் கடவுள் கரம் நீ ட்டுவார் என்பதுதான் உண்மை.

கவி மீனா