இன்னும் எத்தனை நாள் 

நாடி தளர்ந்து நடை தளர்ந்து

இடை மெலிந்து பாடையிலே போவதற்கு

பிறப்பெடுத்த மானிடனே

கடை கடையாக ஏறினாலும்

உன் நோயும் பிணியும் தீர

மருந்துமில்லை

 சாக வரம் பெற்று நீடுழி வாழ

வழியுமில்லை

 

நீ மாடி கட்டி வாழ்ந்தாலும்

மடி மீது புரண்டு இன்பமுற்றாலும்

சோடி மாறி சுகம் கண்டாலும்

கடைசியிலே காடுதான்

கட்டுடலும் கலைந்து 

ஆணவமும் அழிந்து

உறவுகளும் தொலைந்து

உருக்குலைந்து நீ போக

காலம் மிக விரைவில்

வரும் என்று தெரிந்தும்

 

பிறரை மதியாமல் குதிக்கிறாய்

அன்பை உணராமல் மிதிக்கிறாய்

எக்கதாளமாய் சிரிக்கிறாய்

நேரமின்றி பறக்கிறாய்

இன்றோ நாளையோ

இன்னும் எத்தனை நாள்

என்பதை மறக்கிறாய்

இந்த நிமிடமாவது சிந்தித்து பார்

உண்மை எது என்பதை சிந்தித்து பார்

கவி மீனா

 

 

கதிரை

கதிரையை பற்றி என்னதான் எழுத போறன் என்று யோசிக்காதீங்கோ கதிரைதான் இன்று முதல் இடத்தை பிடிக்குது, இலங்கை இந்தியா போன்ற நாடுகளில் இந்த கதிரைக்காகதானே ஒரே போராட்டமும், சண்டையும் நடக்குது அரசியல் வாதிகள் ஆளை ஆழு இழுத்து விழுத்த ஒரே அடிதடி சண்டை போடுறாங்க இந்த கதிரையை பிடிக்கத்தானே?

அன்று தொட்டு இன்று வரை இந்த பதவி என்ற கதிரையை பிடிக்க படாத பாடு படுறாங்கள் ஒரு ஆளு ஏறி இருந்தாலும் அடுத் கட்சிக்காரன் இழுத்து விழுத்துறான் இதுக்கு முடிவும் இல்லை சனங்களுக்கு அமைதியும் இல்லை, பதவி மோகமும் பணம் சம்பாதிக்க பேராசையும் தான் காரணம் அரசியல்வாதிகள்தான் பெரும் பணத்தை பதுக்கிறாங்களே!

பதவிக்காகவும் பாளிமென்றில் ( Parliament ) கதிரைக்காகவும்  போடும் கூச்சலுக்கு என்றுதான் முடிவு வருமோ தெரியலை

ஆனால் புலம்பெயர்ந்து  வெளிநாடு வந்து அரசியல் தஞ்சம் புகுந்த தமிழருக்கு கதிரை கிடைச்சுட்டுதுங்க

கூடுதலான தமிழருக்கு இங்கை நிரந்தமாக கதிர கிடைச்சுட்டுது என்றால் ஆச்சரியம்தான்

அதுதாங்க ஒவ்வொருத்தர் வீட்டிலும் உள்ள கதிரையைதான் சொல்லுறன்

இங்கு அனேகம் பேரு வீட்டிலை ரீவீ க்கு ( TV ) முன்னாலை ஆளுக்கொரு கதிரையிலை கிடந்து நாள் பூரா சேரியலை பார்பதுதான் வேலையுங்க!

அவை நினைத்தாலும் அந்த கதிரையை விட்டு எழும்பமுடியாது காரணம் அம்மட்டு நோயுங்க,  பக்கவாதம், பைபாசு, இருதய நோய், நீரிழிவு, கால் விறைப்பு,  முள்ளந்தண்டு பிரச்சனை, கான்சர் இப்படி பலதரப்பட்ட நோய்களும் இங்கு வந்த நம்ம ஆரோக்கியத்தை தாக்கி கதிரையிலை இருக்க வைச்சுட்டுது பாருங்க!

இதுக்குத்தானே ஆசைபட்டாய் பாலகுமாரா என்று ஒரு படம் வந்திச்சுது அது போல நம்ம சனம் வெளிநாட்டுக்கு ஆசை பட்டு ஓடி வந்து ஆனேகமானோர் இப்படிதான் கதிரையிலை கிடக்கினம்

ஊரிலை இருந்திருந்தால் கொஞ்சமாச்சும் வளவுக்குள்ளை வேலை செய்திருக்கலாம் இல்லை கடைசி வீட்டு படியிலை குந்தி இருந்து எழும்பவும், சப்பாணி கட்டி இருந்து எழும்பவும் உடலும் ஆரோக்கியமாக இருந்திருக்கும் உண்டதும் செமிச்சு இருக்கும்

 

நித்தம் நித்தம் நெல்லு சோறு நெய் மணக்கும் கத்திரிக்கா

நித்தம் நித்தம் நெல்லு சோறு நெய் மணக்கும் கத்திரிக்கா

நேத்து வெச்ச மீன் கொழம்பு என்ன இழுக்குதையா

நெஞ்சுக்குள்ள அந்த நெனப்பு வந்து மயக்குதையா

ஊரிலை குத்தரிசி சோறும் மீன் மரக்கறி என்று சாப்பிட்டவையும், இடித்து அரைத்து சமைத்தவையும் இங்கை வந்து பஞ்சி பட்டு வெள்ளைசோறு அதுவும் ரைஸ்குக்கரிலை போட்டு அவிச்சு எடுத்து சாப்பிடுவதும்

இங்கை வந்த சனத்திலை கனபேரு சுதந்திரம் தமக்கு கிடைத்த மகிழ்சியிலை நித்தம் நித்தம் இறைச்சி, முட்டை,  பட்டர், சீஸ், மது, மாது, புகை என நல்லாக கொண்டாடிதான் இப்படி அழுந்துறாங்க இப்ப !

புகை போட்டா பழம் பழுக்கும் ஊரிலை இங்கை புகை போட்டு கன ஆண்களுக்கு நுரையீரல் பழுத்துட்டுதுங்க! ஒரே கம்மு கம்முதான், ஊரிலை ஒழிச்சு ஒழிச்சு குடிச்சவன் எல்லாம் இங்கை வந்ததும் கூட்டு சேர்ந்து குடிக்க தொடங்கினாங்க,

குடிச்சு முடிய கத்தல் கூச்சல் அடிதடி கூட நடந்திச்சு கூடியிருந்த இடங்களிலை இல்லாட்டி ஒழிச்சு வீட்டிலை குடிச்சவன் மனுசியோடே மல்லு கட்டுவது வழக்கமாக போச்சுது,

அவனவன் வாழ்க்கை அவன் கையில் என்று ஏன் சோன்னார்கள் தெரியுமா? அளவுக்கு மிஞ்சி ஆட்டம் போட்டவர்களில் சிலருக்கு கதிரை நிரந்தமாச்சு, சிலபேரு போய் சேந்துட்டாங்க, இன்னும் ஒரு சிலருக்கு தனிமை சொந்தமாச்சு, ஏனெண்டால் குடிகாரண்டை மனுசி விட்டுபொட்டு போட்டாங்க ரோச்சர் தாங்க முடியாமே!

எது எப்படியோ இங்கை அதிகமானோருக்கு கதிரை கிடைச்சுட்டுது அதிலை கிடந்து ரீவீயை ( TV ) பார்த்துக்கொண்டு கிடைக்கிறதை முழங்கிட்டு எழும்ப பறிக்க ஏலாமே உளன்று கொண்டு கிடக்க வேண்டியதாயிற்று, கதிரையை பிடிக்க அடிபாடு உலகமெங்கும் நடக்குற நேரத்திலை நிரந்தரமாக கதிரை கிடைப்பதே பெரும் காரியம் ஆச்சு! இங்கை அவர்கள் கைவிட்டாலும் கதிரை அவர்களை கைவிடாதுங்க!

இது எல்லாம் அவனவன் தேடி கொண்ட வாழ்க்கை பாருங்க!

கவி மீனா

 

 

பச்சை நிறை ஆடைகுள்

டிசம்பர் மாதம் மார்பில் ஒரு கட்டி அதை ஒப்பரேஸன் செய்ய வேணும் என்று வைதியர்கள் சொன்ன போது எனக்கு ஒரே பயமாக போய் விட்டது உள்ள வருத்தங்கள் போதாது என்று இது வேறே வரணுமா? என மனசு நொந்தேன் 3 வருடமாக வீட்டுக்குள் ஒழிந்து வாழுகிறேன் கொரோனாவுக்கு பயந்து 4 தடுப்பு ஊசி வேறே போட்டாச்சு கொரோனா பிடிக்க கூடாது என, ஆனால் விதி விட்டுதா? வீட்டுக்குள்ளேயே வந்து மார்பிலை கட்டி உட்கார்ந்து விட்டது எமது கையில் ஏதுமில்லை என்பதை நான் அறிந்திருந்தும்  ஒவ்வொரு தடவையும் இப்படி இன்னல்கள் வரும் போது மனசு சோர்ந்துதானே போகிறது

ஒரு மாதிரி அந்த நாளும் வந்தது எத்தனையேயா சோதனைகளை முடித்து 16 ம் திகதி மாச்சு மாதம் ஒப்பரேஸன் என்று நாள் குறித்தாச்சு அம்மனை நம்பி தினமும் கும்பிட்டு கொண்டிருக்கிற எனக்கு இப்படி நோய்களும் வருதே கடவுள் இருக்கா என்று ஒரு சந்தேகம் வேறே வந்துட்டுது

ஒப்பரேஸன் அண்டைக்கு மகனோடு கொஸ்பிட்டலுக்கு போக உடனேயே டிரெஸ் எல்லாம் மாற்றி  கட்டிலில் படுக்க வைத்து ஒப்பரேஸன் தியேட்டருக்கு கொண்டு போனார்கள், நான் திரும்பி உயிரோடை வராட்டி என்ன என்ன செய்ய ணும் என்று மகனுக்கு சொல்ல அவன் சும்மா வாயை மூடிகொண்டு வாங்கோ தேவையில்லாமல் கதைக்காமல் என்று சொல்லி போட்டான்

அவர்கள் தந்த ஒரு குழிசையை குடித்தும் எனக்கு அமைதி வரவில்லை உள்ளே போனதும் கதைச்சு கதைச்சு ஒரு ஊசியை போட்டார்கள் நான் எனக்கு பயமாக இருக்கு வேறே வருத்தங்கள் நிறைய இருக்கு நான் கண் முழிப்பனோ தெரியாது என்று அங்கை நின்ற வைதியர்களுக்கும் சொல்ல அர்கள் பயபடாதே எல்லாம் நாங்கள் சரியா பார்பம் என்று சொன்துதான் கேட்டது அதோடே நான்  நினைவிழந்து போனேன்

மீண்டும் கண் முழித்த போது எனக்கு நான் எங்கே இருக்கிறன் என்றே புரியவில்லை அப்படி ஒரே பச்சை நிற உடுப்புகளோடு தலையெல்லாம் மூடி கட்டி மஸ்க் போட்டபடி கனபேரு சிரிச்சு கதைக்கினம் பக்கத்திலை, எனக்கு ஒன்றுமே விழங்கலை நான் ஏதோ வேறே ஒரு உலகத்துக்கு வந்து விட்ட மாதிரி ஒரு உணர்வு

அப்படியும் இப்படியும் பார்கிறன் மெல்லமாக கையை ஆட்டி பார்கிறன்

உடனே என்தலையை ஒரு ஆளு தடவி நீ பயபடாதை எல்லாம் சக்சஸ், ஒப்பரேஸன் முடிஞ்சுது என்று சொல்ல இன்னுமொரு ஆளு என் கையை தடவி நீ எனி பயபட தேவையில்லை என்று சொல்ல  இன்னுமொரு ஆளு காலை பிடித்து நாங்கள் எல்லாம் இருக்கிறம் எல்லாம் நல்லாக முடிஞ்சுது உன்னை ரூமுக்கு கொஞ்சத்தாலை கூட்டி போறம் என்று சொல்ல தான் எனக்கு கொஞ்சம் கொஞ்சமாக விழங்கியது எனக்கு ஒப்பரேஸன் முடிஞ்சுது இவர்கள் எல்லாம் வைதியர்கள்  என்பது

எம்மட்டு அன்பான அவர்களது வார்தைகளும் ஸ்பரிசமும் என்னை மெய் மறக்க வைத்தது எவ்வளவு உயர் கல்வியை கற்ற இந்த வைதியர்களுக்கு பெருமையே இல்லை தன்னட்டை வந்த நோயாளி உயிர் தப்பியது பிழைக்க வைத்ததையிட்டு அவர்களுக்கு மகிழ்ச்சி

ஊரிலை அதிகமான வைதியர்கள் கோட்சூட் கழட்டாமல் திமிராக சுத்தி வருவதை நான் கண்டிருக்குறேன், அங்கு ஒரு பிள்ளை டொக்கடருக்கு படித்துவிட்டால் பெற்றவர்களுககே திமிர் வந்திடும் ஆனால் இங்கு வெள்ளை கோட்டை போட்டு வராட்டி டொக்டர் யாரு கொஸ்பிட்டலிலை வேலை செய்யுறது யாரு என்று வித்தியாசமே தெரியாது

 அன்று நான் ஒப்பரேஸன் தியோடேரில் கண்டேன் கருணை வடிவான வைதியர்களை ஆனால் என்ன முகம் தெரியவில்லை குரல் மட்டும்தான் கேட்டது அந்த பச்சை நிறை ஆடைகுள் தலை வரை மூடி மஸ்க் போட்டு எம்மட்டு சிரமத்துடன்தான் நோயாளிகளை காப்பாற்ற வைதியர்கள் படாத பாடு படுகிறார்கள்

கடவுள் எங்கே எங்கே என்று தேடுகிறோமே இந்த கருணை உள்ளம் கொண்ட வைதியர்களின் அறிவிலும், துன்பதிலை கை கொடுக்கும் உதவும் கரங்களிலும்தான் கடவுள் இருக்கிறார் அதுதான் உண்மை!

 

வருஸம் பிறந்தாச்சு 

 புது வருஸம் பல மாற்றங்களை கொண்டு வரும் வாழ்வில் நன்மைகள் நடக்கும்  துன்பமான நிலமைகள் மாறும் என பல நம்பிக்கையோடு எல்லோரும் ஒவ்வொரு முறையும் புதுவருஸத்தை மகிழ்சியோடு வரவேற்கிறோம்

ஆனால் என்னமோ அவ்வளவு கெதியாக எந்த மாற்றமுமும் நிகழ்வதில்லை  3 வருடமாக நாட்டை விட்டு கொரோனாவையும் துரத்த முடியுதில்லை  ஏறுகின்ற விலைவாசிகளையும் நம்மாலே கட்டுபடுத்த முடியலை மேலும் பரவுகின்ற காச்சல் தடிமல் கிரிப்ப  போன்ற தொத்து நோய்களும் வேகமாக பரவிகொண்டு மனிதர்களுக்கு பெரும் தொல்லைகளை கொடுத்துக்கொண்டுதானே இருக்கின்றது இதுக்கு எல்லாம் ஒரு நாள் விடிவு வந்தால் ஒழிய வாழ்க்கையில் மனிதர்களுக்கு நின்மதியே இல்லை

 

கலண்டர்கள் நாள் காட்டிகள் காட்டாவிடில் எங்களுக்கு புது வருஸம் பிறப்பது கூட தெரியாமல் போய்விடும் காரணம் உலகில் எந்த மாற்றமும்  தெரிவதில்லை காடு கடல் மலை மேகம் இயற்கை என எல்லாமே அப்படியே இருக்க காலம் மட்டும் எப்படி மாறுது? அதுதான் புரியாத புதிராக என்றும் உள்ளது, நாம் வாழும் காலத்தில் கூட ஒரு யுகமும் மாறியது அதாவது கலியுகமும் மாறி கிருதா யுகமும் நடக்குது ஆனாலும் மாற்றங்கள் எதுவும் கண்ணுக்கு புலப்படவில்லை

விஞ்ஞான வளர்சியிலே மனிதன் கண்டு பிடித்த பிளேன் முதல் தரையில் கார் றெயின் மோட்டார் வண்டி எல்லாம் அறம்புறமாக ஓடுது ஒரே துசும் துகளும் அதனால் காற்றில் அழுக்குகளாக நிரம்புது சுற்றாடலை மாசு படுத்தும் இந்த வானங்களின் சத்தம் வேறே காதை பிளக்கும் அமைதியான சூழல் குறைந்து கொண்டே போகிறது இந்த வாகன போக்கு வரத்து இல்லாட்டி மனிதர்கள் நாடு விட்டு நாடோ இல்லை நகரங்கள் மாறவோ இல்லாது போனால் அன்றாட வேலைகளை செய்யவோ வாழவோ முடியாமல் எல்லாமே ஸ்தம்பித்து போய்விடும்

இப்படியான வசதிகள் இல்லாத ஆதிகாலத்தே மனிதன் எப்படிதான் எல்லாத்தையும் செய்தான் புதிய வழிகளை வாழ்க்கை முறைகளை கண்டு பிடித்தான்? என்பதை விஞ்ஞானரீதியாக ஆராய்சிகள் செய்துகொண்டே இருக்கிறார்கள் இன்றுவரை!

 

யோதிடர்கள் ஒவ்வொரு வருஸம் பிறக்கும் போது அந்த மாற்றம் வரும் இந்த மாற்றம் வரும் இன்னாருக்கு இன்னது நடக்கும் என்று சொல்வதை நம்பி புது வருஸ் பிறக்கட்டும் என்று காத்திருப்போரும் உண்டு

நடப்பது நடக்கட்டும் வருவது வரட்டும் என்று என்னை போலே சிலரும் வந்தோம் வாழும் வரை வாழ்வோம் போகும் போது போவோம் என துணிச்சலாக சிலரும்

இருக்கும் வரை அடுத்தவனை வதைத்து நசித்து அடித்து நொருக்கி சுயநலமாக வாழ நினைப்போரும்

ஏதோ ஏலககூடிய உதவிகளை அல்லது நல்ல வழிகாட்டலை மற்றவர்களுக்கும் காட்டி இருப்பதை வைத்து மனநிறைவோடு வாழ்வோருமாக இந்த உலகில் பல விதமாய் மனிதர்கள்

வாழ வருஸம் பிறந்தாச்சு பாப்போம் 2023 எமக்கு என்ன மாற்றங்களை தரபோகிறது  பொறுத்திருந்துதான் பார்போமே!

கவி மீனா

 

 

இருண்ட வானில்

பொங்கலை பொங்கி இருண்ட வானில்

ஆதவனை தேடுகிறோம்

மூடிய முகில் கூட்டத்திலே

சூரியனை தேடுகின்றோம்

நோயும் நொடியும் பொங்கி வழியும்

போதினிலும் நின்மதியை தேடுகின்றோம்

 

காமம் குரோதம் சுயநலம் என வாழும் உலகில்

உண்மை அன்பை தேடுகிறோம்

துரோகம் செய்யும் மனிதருக்குள்

நல்ல மனசுகளை தேடுகிறோம்

நாடுகள் போடும் சண்டைக்குள்

அமைதியை நாமும் தேடுகிறோம்

 

தேடி தேடி அலைவதிலே காலமும்

போகுது கடுகதியில்

மறைவில் நிக்கும் ஆதவனும்

மனதில் நிக்கும் ஆண்டவனும்

வந்தால் ஒழிய வழியில்லை

வாழ்க்கையில் எதுவும் சரியில்லை

கவி மீனா

 ஒரு கூத்து 

அங்கும் இங்கும் ஓடுது காற்று

நீ ஓடி ஐன்னல் கதவை சாத்து

பாத்து பாத்து நடை போட்டு போகுது வாத்து

இங்கு கொண்டாட்டம் வந்தாலே

நெருப்பிலை வாட்டி பொரிந்தது நேத்து

பொய்யான வாழ்க்கையை மாத்து

இல்லை  நீ போடுற வேஸமே ஒரு கூத்து

நட்டு விளைந்தால் அது நெல்லு நாத்து

அதை வெட்டி அறுவடை செய்யுறான் பாரு காத்து

தினம் தேடி தேடி சேர்பது சொத்து

அதை விட்டு பிரிய மனமில்லாது போகிறான் செத்து

கவி மீனா

 

நாட்டு நடப்பு 6 

என்னத்தை சொல்ல?  வர வர நாட்டிலை கொடுமைகளும் கொடியவர்களும் கொடும் நோயும்தான் கூடி போச்சுது முகங்களை மூடி திந்தாலும் மனுசர்களின் மனசிலை உள்ள ஆசைகளை மூடிவிட வழி இல்லை

எப்படா அடுத்தவனை அடிச்சு பறிக்கலாம் எவன் வாழ்வை கெடுக்கலாம் என்பதிலையே அலைகிறது சிலர் மனசு பாருங்க!

ஊரிலை தனியா சொந்த வீடு வளவிலை இருந்த ஒரு மனுசன் இறந்து விட்டாலே பக்கத்து வீட்டுகாரன் உடனே அந்த காணியை தனதாக்க படாத பாடு பட்டிருக்கிறான் செத்தவீடு நடந்து ஒரு கிழமை இல்லை அடுத்த வீட்டு காணிக்கு  கம்பிவேலி போட்டு திறப்பு போட ஆயத்தம் பண்ணிட்டான்,  அது யாருக்கு சொந்தம்? காணிக்கு உரியவர்கள் யார்? என்ற ஒரு  பயமே இல்லை அடிதடி பொலிஸ் விதானை என்று போய்தான் கடைசியா வீட்டு திறப்பையே அவனிட்டை இருந்து பறித்தது என்றால் பாருங்களேன்  யாழ்பாணத்திலை அடுத்தவர்களுடைய காணிய கள்ள கோழியை  அமுக்கினா போல அமுக்கி எடுக்க எம்மட்டு திட்டம் போட்டு அவன் வேலைசெய்திருக்கிறான் என்று, அது போக உயிரோடு மனிதர்களும் வாழும் போது எட்டி பார்காத இரத்த சொந்தம் என்று சொல்லி  யாரோ எல்லாம் அந்த காணிக்கா அடி பட்டிருக்குதுகள் அது மட்டுமா?

அந்த காணிக்கும் வீட்டுக்கும் ஆசை பட்டு வீடு பூந்து நல்லவன் போல் நடித்து நாடகமாடி ஏமாற்று வேலைகள் பல செய்து பெண்ணை எடுத்து அடிபாட்டுன் பிரிந்து போன ஒரு 80 வயது கிழவனும் அந்த காணியை தான் எடுக்கணும் என்று  ஆடாத ஆட்டம் எல்லாம் இந்த வயதிலும் போட்டாருங்க, தனக்கு  என்று ஒரு தனி சுடலை வேணும் என்று நினைத்தாரோ தெரியலை பாருங்க, ஆசைக்கு வயது கூட இல்லை அதுக்குதான் சொல்லுறன்  தனது ஊரு விலாசத்தை கூட மாத்தியே சொல்லி திரிந்தாரு அது தன்டை காணி என்று,  அவரு வாயிலும் இப்ப மண்ணுங்க!  மண்ணுக்கு ஆசைபடுங்க அது உங்க சொத்தா இருந்தா ஆசை படுங்க, அடுத்தவன் சொத்துக்கு ஆசைபட்டவன்  அடாவடிதனம் பண்ணினவன் எல்லாம் நல்லாக வாழ்ந்ததாக சரித்திரமே இல்லை பாருங்க! முடி ஆண்ட மன்னரும் மண்ணுக்குதான் சொந்தம் இதிலை அடுத்தவன் காணிக்கு ஏன் அலையணும்? இதைதாங்க நான் கேட்குறன், இது கிட்டடியிலை நடந்த உண்மை சம்பவமுங்க அதையும் நாட்டு நடப்பிலை சொல்லிவிடுவம் எப்படி சனங்கள் பாடாய் படுதுகள் என்று பாருங்களேன்

 

இந்த கதை மட்டுமல்ல இன்னும் பல தரமான உண்மை சம்பவங்களை சொல்லதானே நான் இருக்கன்

இங்கை லண்டனிலை ஒரு கிழடு 84 வயதிலை செத்ததுக்கு,  அவ மவ சொல்லியிருக்கா செத்த வீட்டுக்கு போட்டு வந்து அவருக்கு சோக்கு வந்து செத்தது என்று அந்த கதை அப்படியே பரவி அது என்ன சோக்கு வருத்தம் என்று சனம் திக்குமுக்காடி நிக்குதுகள் பாருங்க!

பகிடி என்ன என்றால் ஊரிலை பள்ளிகூடமே போகாமே இங்கை வெள்ளத்திலை அள்ளு பட்டு வந்த குப்பைகளை போலே தாங்க சில பேரு அவைக்கு வாய்குள்ளை ஆங்கிலை வார்தைகள் பூராதுங்க! அந்த ஆங்கில சொற்களை அவர்கள் உருமாற்றி சொல்லி அது ஒரு புது உருவம் எடுத்து உலாவுது கொரானா போல

அந்த ஆளுக்கு வந்தது  Stroke (Schlaganfall ) என்று வைத்தியர் சொல்லியிருக்கிறார் இதுகள் இப்படி மாத்திட்டுதுகள், இவ தாங்க முந்தியொருக்கா எனக்கு சொன்னவ ஊரிலை இருக்கிற காணியை விக்கிறதுக்கு ஊருக்கு போக தேவயில்லையாம் பட்டாணி எடுத்து எழுதலாம் என்று அப்ப நான் கேட்டனான் அது என்ன பட்டாணி கடலையா நீ வறுக்கிறாய் என்று?

அவ சொல்ல வந்த ஆங்கில வார்தை  இதுதாங்க (Power of Attorney )  இவ என்னமாதிரி ஆங்கிலத்தை மாத்தி சொல்லி திரியுறா அதை நம்ப கூட ஆட்கள் இருக்கினம் பாருங்க காரணம் அவைகளும் ஒரே குப்பையிலே ஊறின மட்டைகளுங்க!

ஆங்கிலம் மட்டுமா? டொச் மொழியும் இப்படிதாங்க நம்ம சனத்துண்டை வாயிலை  அறம் புறமா உரு மாறி சவுண்ட் மாறி போகுது பாருங்க! ஆனாலும் இவர்களுக்கு படிப்பு இல்லை பாஸை தெரியாது என்பதாலே ஏதோ வாழ்க்கை முடங்கி போகலை பாருங்க, யாருடைய கையை காலை பிடித்தாவது அதுகள் தங்கடை காரியம் பார்க்க கூடிய வல்லமை படைத்தவர்கள்தானுங்க!

காரியம் முடிய பின்னாலை உதையுற சனங்களும் இவர்கள்தானுங்க! காரணம் ஊரிலை நல்லா வாழ்ந்தவனும் படித்தவனும் நல்ல இடத்திலை பிறந்தவனுக்கும் கூனி குறுகி நிண்டு அடுத்தவன்கிட்டை கை ஏந்தவோ உதவி கேட்கவோ தன்மானம் விடாது, அதனாலே அவனுக்கு  உதவி கிடைப்பது எல்லாம் கொஞ்சம் கஸ்டம்தான், இதுதாங்க யானைக்கும் எலிக்கும் உள்ள வித்தியாசம் எலி உள்ள பொந்து சந்து எல்லாம் பூந்து போகுது

யானையாலை முடியுமா?

இதை விட புலம்பெயர்ந்து வாழும் இளைய தமிழ் சமுதாயத்தினுடைய வாயிலை நம்ம தமிழ் மொழி படுற பாடு பரிதாபமுங்க,   ஒரு சொல்லும் உருபடியான உச்சரிப்போடு வராதுங்க  அப்படி பேசி தமிழை கொலை செய்யுறதை விட அன்னிய மொழியை பேசி வாழலாம் பாருங்க, தமிழுக்கு வந்த சாபகேடு இதுங்க!

இந்த கொரோனா முன்னுக்கு நிக்குதா பின்னுக்கு நிக்குதா இல்லை பக்கத்திலை நிக்குதா என தெரியாமல் இருக்குது இதிலை 2 பேரு ஒன்று கூட 500, 1000 பேரை கூப்பிட்டு கல்யாணம் வைக்குதுகள் தமிழ் பெற்றோர்கள்

முன்னைமாதிரி என்னமோ கன்னி கழியாத ஆணுக்கும் பெண்ணுக்குமா இப்ப திருமணம் நடக்குது? அதுகள் தாங்களாக வாழ தொடங்கி விடுங்கள் பெற்றவர்கள் தாங்கள் கொடுத்த காசுகளை வாங்கவும், தங்கடை பவிசை காட்டவும் கொண்டாட்டம் வைக்கினம் கடைசியிலே வந்து போனவைக்கு எல்லாம் கொரோனா பிடிச்சு போகினமாம்  இதுக்கென்ன சொல்ல போறீங்கள்? அரசாங்கம் எம்மட்டுதான் எடுத்து சொன்னாலும் யாரும் தள்ளி நிக்கினம் இல்லை ஒன்று கூடி கும்மாளம் போடவே நிக்கினம் பிறகு கொரோனா எப்படி போகும்?

குடுத்த காசை வாங்கணும் என விரும்பினால் வீட்டுக்கு முன்னாலை ஒரு பெரிய உண்டியலை வைத்து போட்டு எல்லாருக்கும் சொல்ல வேணும் நாங்க தந்த காசை கொண்டு வந்து உண்டியலுக்குள்ளை போடுங்கோ காரணம் நாம் எத்தனை நாள் இருப்பம் என தெரியாது என்று இது ஒரு யோசனை தாங்க !

செத்த வீடு வந்தா கூட ஒரு ஆளு மேலே போனதுக்கு எல்லாரும் கூடி ஒப்பாரி வைத்து அங்கும் கொரோனாவாம் அப்ப எல்லாரும் உடன் கட்டை ஏற போனமாதிரி அல்லோ இருக்குது சேர்ந்து அழுதாதான் துக்கமா?

தண்ணிக்குள்ளை சேர்ந்து கத்துற தவளைகளே இரவு முழுதம் தாளம் போட்டு கத்திட்டு விடிய செத்து போகுதாம்

சுத்தமும் சுகாதாரமும்தான் கொரோனாவை தள்ளி வைக்கும்  இது ஏன் புரிய மாட்டேங்குது நம்ம சனத்துக்கு?

நானும் அங்கிட்டு இங்கிட்டு கேட்டதும் நடந்ததுமாக கதை சொல்லிட்டன் பாருங்க  சுகம் பலமாக இருந்து எனி காலம் கை கூடினால் புதினங்களும் சேர்ந்தால் மீண்டும் சந்திப்பம் நாட்டு நடப்பில்

கவி மீனா