இந்து மதம் என்ன சொல்லுது?

கல் தோன்றி மண் தோன்றா காலத்திலேயே தோன்றியதாக கூறப்படும் ஒரே மதம் இந்து மதம் என்பதை சிந்து வெளி பிரதேசத்தில் நடை பெற்ற ஆய்வுகள் மூலம் ஆராய்ந்து அறிய பட்ட விடயமாகும்.

இந்து மதத்திலே ஆலய வழிபாடு காணப்படுவதன் காரணம் என்ன வெனில் ஆ என்பது ஆன்மா என்றும் அந்த ஆன்மாக்கள் இறைவனோடு லயித்து நிக்கும் இடம் லயம் என்றும் அதுவே ஆலயம் என்றும் சொல்லப்படுகிறது.

இறைவனுக்குஉருவம் இல்லை ஆனால் உருவம் உள்ள இந்த மானிடர் உய்வதற்க்காய் இறைவன் அவ்வப்போது வடிவம் கொண்டு பூமியிலே அவதரித்து இந்த உயிர்களை நல்வழி படுத்தியதாக சொல்லப் படுகிறது  பல முறை இறைவன் திரு உருக் கொண்டு காட்ச்சி தந்து நின்றதால் பல வடிவங்களில் அவனை வணங்கும் முறை வந்தாகி விட்டது.

ஆனால் எல்லா வடிவமும் ஒரு உருவம் இல்லா  அருவும் உருவுமான சக்த்தியின் தோற்றமே என்பதில் ஐயம் இல்லை

ஆணவம், கன்மம், மாயை என்னும் முக்குணங்களில் அகப்பட்டு இந்த ஆன்மாக்ள்  அவஸ்த்தை உறும் கால் அவர்களை பதி. பசு, பாசம் என்னும் முப்பொருளையும் உணர்த்தி முத்தி நிலை அடைய செய்யவே இறைவன் உருவம் எடுத்து  இந்த பூமியிலே திருவிளையாடல்கள் நடாத்தி சென்றதாக சைவ புராண கதைகள் கூறுகின்றன.

மற்றும் ஒரு உயிர் மரணித்த போது மூன்று பொதிகளை மட்டுமே சுமந்து செலுகிறது என்பது இந்து மத தத்துவம் ஆகும்.

'மாடி, மனை, கோடி பணம் நிறைந்து குவிந்தாலும் ஒரு காதற்ற ஊசியும் வாராது தான் கடைவழிக்கே " என்று பட்டினத்து அடிகள் சொல்லி வைத்தார் அன்று. ஆனால் ஆன்மா சுமந்து போகும் அந்த மூன்று பொதிகள் என்ன தெரியுமா?

பாவம் புண்ணியம் மற்றும் பெற்ற ஞானமும் ஆகும்.

இதை தவிர உயிர்கள் இவ்வுலகில் இருக்கும்வரை  காணுகின்ற காட்ச்சியும், சேருகின்ற உறவுகளும், நாடுகின்ற இன்பங்களும், ஆடுகின்ற ஆட்டங்களும்,  எல்லாம் ஒரு மாயையின் வேலையே  ஒருவர் இறந்து விட்டால் நாளை இறக்க போகின்ற மனிதர்கள் கூடி கூடி அழுவதும்,  எனது உனது என்று சண்டையில் அமைதி இன்றி தவிப்பதும், பணம் என்ற ஒரு அசையா பொருளாலே உலகம் அசைவதும் என்ன ஒரு மாயா உலகம் அதில் பெறும் சிறிய இன்பமும் எல்லாம் இந்த உடலில் உயிர் ஒட்டிக் கொண்டு இருக்கும் வரை தான்.

 இதை உணரக்கூடிய ஆன்மாக்கள்  ஞானத்தை அடைந்து விடுகின்றன,  இந்து மதத்தின் உண்மை தத்துவத்தை புரிந்து கொண்டால் அந்த வழி நடக்கவே மனம் விரும்பும்  முதலில் இந்து மதம் என்ன சொல்கிறது ? அதை நாம்  மேலும் அறிந்து கொள்வோமா?

கவி மீனா

 

அந்த இரவு

சட சட என்று காற்று சுற்றி சுழன்று அடிக்க

சோ என்று கனத்த மழையை வானம் அள்ளி   ஊத்த

பளீர் என்று மின்னல் கரு மேகத்திலே நெளிந்து ஓட

டம டம என இடி முழக்கம் காது வெடிக்க முழங்க

ஒரு பயங்கரமான  நிலையில் அந்த இரவு

இந்த கோடை இடியிலும் ஐந்து நிமிடத்துக்கு

ஒரு முறை  இரைந்து கொண்டு வானில் பறக்கும் விமானம்

மின்னி மின்னி மின்மினி பூச்சி போலே மறையும்

அதன் வெளிச்சம்

சர் என்று றோட்டில் உள்ள நீரைஅ ள்ளி அடித்த வண்ணம்

மணித்தியாலத்துக்கு ஒன்றாக ஓடும் வாகனம்

மணி பன்னிரண்டை எட்டிவிட்டதால்

எங்கோ தூரத்தே வரும் கடைசி பஸ்சின் ஓசை

மழைவிட்டபின்னும் தங்கி நின்று

கண்ணாடி ஐன்னல் மேலே விழுகின்ற

மழைதுளியின் டங் டங் ஓசை

வீட்டுக்குள்ளே சுவர்கடிகாரத்திலிருந்து வரும்

டிக் டிக் சத்தம்

இந்த நடு நிசியிலும் பயங்கரமான அமைதியை

தனிமையில் பல்கணியோரம் இருந்து

ரசிக்கின்ற என் இதயத்தின் லப் டப்  சத்தம்

பக்கத்து வீட்டு திறந்திருந்த ஐன்னுல் வழியாக வந்த

குழந்தையின் அழுகுரல்

இப்படி என்னை சுற்றி எத்தனை ஒலிகள்

அந்த இரவில்

சிந்தித்துப்பார்த்தேன் உலகத்தில்

இந்த வேளையில் எத்தனை

ஐனனமோ எத்தனை மரணமோ

எத்தனை ஓசைகள் எத்தனை துயரங்கள்

எத்தனை இதயங்கள்

அழுகின்றதோ யார் அறிவார்

கவி மீனா

இன்பமும் துன்பமும்

இடியும் மழையும் கலந்து வரும்

மறுநாள் நிலவும் தொடர்ந்து வரும்

இருளும் இரவும் சேர்ந்து வரும்

பகலும் ஒளியும் பின்பு வரும்

இன்பமும் துன்பமும் மாறி வரும்

இம்மையும் மறுமையும் தேடி வரும்

இறப்பும் பிறப்பும் உலகில் வரும்

இதுவே இயற்கையின் நியதி ஆகும்

கவி மீனா

சுரக்காய்

(வாதபித்தம் வாயருசி வன்பீரி கஞ்சீதம்
ஓதிருத்து நோயுமுண்டாம் உள்ளனல்போம்-ஓதத்
திருப்பாற் கடற்றிருவே தீக்குணத்தை மேவுஞ்
சுரக்காயைத் தின்பவர்க்குச் சொல்)
--அகத்தியர் குணவாகடம்

சுரக்காய் பற்றி அகத்தியர் சொன்ன பாடல் இது, சுரக்காய் பல சூட்டு நோய்களையும் சிறுநீரக நோய்களையும் வயிற்று புண் போன்ற நோய்களையும் குணபடுத்தவல்லதாம்.

பெரிய சுரக்காய்  ஒரு குடுவை போலே இருக்கும் அதை மரத்திலேயே முத்தி காயவிட்டு பின்னர் அதனை வெட்டாமல் மேலே காம்புடன் சிறியதாக வெட்டி உள்ளுக்குள் உள்ள காய்ந்த கொட்டைகள் எல்லாம் வெளியே எடுத்தபின் கழுவி காய வைத்து அந்த நாளையில் அதனை ஒரு பானை போலே அல்லது குடுவை போலே நீர் நிரப்பி வைக்க பாவித்தார்கள்,

அல்லது அதனை பாதியக வெட்டி கோதை சுத்தம் பண்ணி காயவைத்து  எடுத்து ஆண்டிகள் உணவு உண்ணும் பாத்திரமாக கூட பயன் படுத்தியதாக அறிந்தேன் ஆனால் இன்று சுரக்காய் தேய்ந்து சுண்டங்காய் ஆனது போலே இங்கு சிறிய சுரக்காய்கள்தான் அருமையாக கிடைக்கின்றன.

 

சுரக்காயில் பால்கறி, கூட்டு என பல விதமாக சமைக்கலாம், நல்ல மசாலா போட்டு சமைத்தால் நல்ல சுவையாக இருக்கும் சிலர் பருப்புடன் சேர்த்தும் சமைப்பார்கள்.

எப்படி சமைத்தாலும் நல்ல மருத்துவ குணம் உள்ள மரக்கறிகளை தினமும் உணவில் சேர்த்து கொள்வது அவசியமாகும்

கவி மீனா

 

அகவை 60

அகவை அறுவதை எட்டிய

ஆறடி மனிதன் என் அன்பு சகோதரன்

பண்பிலும் உயர்ந்த ஒரு குலமகன்

பாசத்தில் சிறந்த நல்ல தமிழ் மகன்

எமக்குள் வயதில் வித்தியாசம் ஓர் ஆண்டே

ஆனால் பாசத்தில் இல்லை நமக்குள் வேற்றுமை

என் சகோதரன் நேர்மைக்காக வாழ்பவன்

நெஞசில் ஈரம் சுமந்தே மாய்பவன்

அறிவும் அழகும் கொண்ட மனைவியை

அடக்கி ஒடுக்கி வீட்டில் இருத்திவிட்டு

உல்லாசமாக ஊ ரை சுற்றும் ஆண்மகன் அல்ல

என் சகோதரன்

நோயில் சிறகொடிந்த பறவை போலே

துணை நின்றாலும்  ஆதரவு கரம் கொடுத்து

அணைத்து வாழ்வதுதான் நற் புருஸன்

என்று எடுத்த காட்டாய் வாழ்பவன்

என் அன்பு சகோதரன்

அவன் உயிரோ அவனிடத்தில் இல்லை

அன்புமகள் சன்டியே அவன் உயிராகும்

அறுபதை எட்டினாலும் அன்பில் குறையாத அண்ணன்

; அன்பு செல்வியின் சீரும் சிறப்பும் கண்டு

நூறு ஆண்டு வாழவேணும்

என மனதார வாழ்த்துகிறேன்

வாழ்க வழமுடன்

கவி மீனா

 

ஜோடி பறவை

 

ஜோடியாக திரியும் பறவைகள்

ஜோடி மாறி போவதில்லை

வீடு தேடி அலைவதில்லை

ஏதும் இன்றியே ஒற்றுமையை

அவை மறந்து போனதும் இல்லை

காடு நோக்கி பறந்தாலும்

காதல் குறைந்து போகவில்லை

குளக் கரையில் நீந்தினாலும்

குற்றங்கள் புரிவதில்லை

ஐந்தறிவும் இல்லாத பறவைகள்

வாழும் வாழ்க்கையை

ஆறறிவு படைத்த மனிதர்

வாழ நான் காணவில்லை

கவி மீனா